Home Uncategorized Elpar Lao Hakmatek, Lu-Olo Apresia Servisu PNTL no F-FDTL

Elpar Lao Hakmatek, Lu-Olo Apresia Servisu PNTL no F-FDTL

79
0
SHARE
Prezidente Republika Fransisco Guterres Lu-Olo.

By: Fidelio RAMOS

THETIMORNEWS.com, DILI- Hare ba situasaun seguransa iha kampaina politiku Elisaun Parlamentar (Elpar) lao diak no hakmatek Prezidente Republika Fransisco Guterres Lu-Olo  apresia ho Partidus Politiku (Parpol) sira ne’ebe hatudu ona maturidade ne’ebe diak no  parte rua Polisia Nasional Timor – Leste (PNTL) no Falintil Forsa Defeza Timor  – Leste (F-FDTL) mos fo  duni seguransa ne’ebe diak.

 Lu-olo  afirma,  nia parte vizita ba kuarte jeral PNTL atu komandu aprezenta organizasaun  polisia sira nia servisu durante asegura  seguransa iha kampaina.

“Ohin ita hotu akompanha komandu sira aprezenta sira kna’ar servisu nian mai hau la’o diak tebes tanba  durante sira la rejistu krimi ne’ebe maka todan tanba situasaun la’o kontroladu husi interna” dehan Lu-olo ba Jornalista sira iha edifisiu kuartel jeral PNTL Caicoli Dili, Segunda (17/07/2017).

Nune’e Komandu PNTL informa mos ba nia,   oras ne’e dadaun PNTL  rejistu kazu numeru ne’ebe   as mak  violasaun sexual.

Alende ne’e  membru hirak ne’ebe   kontrola iha imigrasaun  la’o ho kontroladu ne’e duni nia fiar katak ba oin  PNTL ho  F-FDTL  sei hadia  instituisaun rua ne’e  sai diak liu  tan ba oin.

Tanba ne’e  Iha futuru oin mai  bele hanoin atu   kria  autoridade ida  atu oinsa  instituisaun rua ne’e bele halao servisu hamutuk ho diak no kualidade liu tan.

Komandante Jeral PNTL, Komisariu Julio Hornay akompana nia segundu komandante jeral, Faustino Cardoso wainhira koalia ho jornalista sira kona ba situasaun seguransa iha Timor-Leste foin lalais ne’e iha kuartel Jeral PNTL, Caicoli Dili, Segunda (08/05/2017). Photo: TTN/Hortencio Sanches.

Iha fatin hanesan komandante jeral PNTL  Komisariu Julio   Hornay hatete,  situasaun iha kampaina lao diak no kontroladu tanba  lider partidu sira mesak matenek  hodi eduka militante sira.

“Situasau jeral iha kampaina la’o ho hakmatek tanba ne’e  husu ba ema hotu mai ita hamutuk  asegura nafatin estabilidade paz iha ambienti eleisaun lejislativa ne’e, tantu kampania hela loron rua  se ema hotu  asegura ita hotu alkansa objektivu  ne’ebe hakarak  ne hau senti vitoria bo’ot ida nu’udar ema timoroan ” dehan Komisariu Julio Hornay.

Editór: Hortencio SANCHES I COPYRIGHT@2017 

LEAVE A REPLY

Please enter your comment!
Please enter your name here