Home nasional Hapara Importasaun, Timor-Leste Sei Produz Sasan Rasik

Hapara Importasaun, Timor-Leste Sei Produz Sasan Rasik

316
0
SHARE
Prezidente CNRT Kay Rala Xanana Gusmao hato hela komisio Politiku ba militante sira iha mini kampaina ne'ebe halao iha Postu Administrativu Dom Alexo Autoridade Munisipiu Dili: Photo/Media CNRT

By: Hortencio SANCHES

THETIMOR-NEWS.com, DILI – Partidu Congreco Nacional Reconstrução Timor – Leste (CNRT) atu hamenus no hapara sasan importasaun, governu foun CNRT sei produz rasik sasan ne’ebe bele produz iha rai laran.

Prezidente CNRT Kay Rala Xanana Gusmao, sai foto hamutuk ho militante husi Partidu selukne’ebe afilia ba CNRT iha mini kampaina ne’ebe halao iha Postu Administrativu Dom Alexo Autoridade Munisipiu Dili: Photo/ media CNRT

Sasan ne’ebe CNRT mensiona atu hapara nia importasaun maka be minerais (aguas) no manu-tolun.

“Ita iha be matan barak, tamba saida tenki sosa aguas hosi rai liur. Tempu ona atu ita produz hodi hapara ona importasaun, se lae osan sai ba liur,” dehan Xanana iha nia komisiu politiku, Domingu (16/07/2017), iha Kampu Futebol Dom Bosco Comoro, Postu Administrativu Dom Aleixo, Autoridade Munisipal Dili.

Nia hatutan, “Agora labarik barak mak fan manu-tolun iha dalan-dalan, maibe ita la hatene manu-tolun hirak ne’e laos ita nian, Timor lahatene ona kria manu hodi tolun, Governu sei dudu, sei apoiu hodi hakiak manu no produz manu-tolun”.

Dudu ekonomia, sai duni programa prioridade Partidu CNRT durante hato’o nia programa iha kampana.

Iha setor ida ne’e mos, Partidu CNRT kompromete katak, governu sei fasilita kreditu ba usaha menengah nudar parte ida hosi dudu setor ekonomia iha rai Timor-Leste.

Prezidente CNRT Xanana Gusmao asina hela kamijola partidu ne’ebe hatais husi militante afiliasaun husi Partidu seluk: Photo/media CNRT.

Iha fatin hanesan kordenador CNRT Postu Administrativu Dom. Alexo Teofilho Caldas hatete, Xanana mak aman ba prosesu luta ukun rasik an no agora fila fali atu lori povu sai husi kiak no mukit.

“Hau garante CNRT sei manan maioria iha D. Alexo laos manan maioria mihis, tanba Xanana deit mak aman ba prosesu luta no lori povu sai husi kiak no mukit iha rai ida ne’e,” dehan Teofilho.

Atividade mini kampana Partidu CNRT nian ne’e simu afiliasaun hosi militante partidu balun ne’ebe hamutuk ona ho partidu CNRT hodi lori vitoria iha 22 Jullu 2017.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here