Home divertementu Emilia Atolan, Pilotu Feto Dahuluk Timor-Leste

Emilia Atolan, Pilotu Feto Dahuluk Timor-Leste

2473
0
SHARE
Emilia Atolan

By: Hortencio SANCHES

THETIMOR-NEWS.com, DILI – Sai pilotu ba aviaun ou lori aviaun semo bele hateten nia risku bo’ot teb-tebes, maibe oin seluk ho feto Timoroan ida ho naran Emilia Atolan, ne’ebe sai pilotu feto dahuluk Timor-Leste nian.

Emilia Atolan Timoroan oan hosi rai Oecusse, lori Timor-Leste hakat tan pasu ida ba nai prosesu dezemvolvimentu, liliu iha kapasitasaun rekursu umanu nian. Liu hosi bolsu estudu ne’ebe fo hosi Ministeriu Petroleu Rekursu Naturais (MPRM) iha tinan 2013. Ho tinan ida deit, Emilia Atolan konsege akaba nia estudu ba pilotu nian iha Aero Flyer Institute, Indonesia.

Prestasaun Emilia Atolan nian ne’e hasa’e duni naran Timor-Leste, espesialmente feto Timoroan sira ne’ebe hatudu ba mundu katak feto Timoroan mos bele lori ona aviaun.

“Atu sai Pilotu laos buat ida ne’ebe fasil, ohin deside aban hetan, maibe lori tempu ne’ebe naruk foin bele hetan,” komentariu Emilia Atola ba thetimornews, hodi esplika kona ba susesu ninian sai pilotu, Tersa (12/07/2017).

Emilia ne’ebe moris iha 19 Setembru 1990 ne’e fofoun primeira ves semo ho aviaon sente tauk tamba konsidera buat ne’ebe nia tuir ne foun ba nia vida, maibe ikus toman ona no senti baibain.

Nudar feto timoroan dahuluk ne’ebe hetan titlu pilotu, Emilia rasik sente orgullu no agradese ba oportunidade governu nian ne’ebe fo ba nia hodi hetan rezultadu diak ohin loron.

‘‘Hau feto primeiru ne’ebe sai Pilotu Sente kontente no orgullu ba hau nia an maske feto maibe ho hau nia mentalidade hodi esforsu to ikus hetan duni rejultadu no vantejen ne’ebe diak ba nasaun Timor – Leste, hau la haluha agradese ba Governu liu husi (MPRM) ne’ebe ajuda no haruka hau estuda iha area ida ne’e to hetan susesu,’’ dehan oan hosi Domingos Neca ho Elisabeth Elo ne’e.

Nia hatutan, Durante ne’e Pozisaun laos Pilotu de’it, maibe nia pozisaun seluk mos hanesan Operate Avion husi fatin ne’ebe iha ba fali fatin seluk.

‘‘Hau nia pozisaun laos Pilotu de’it ne’ebe mak semo, maibe hau hanesan mos operate Avion husi fatin refere ba to fatin seluk maibe hau sai mos hanesan, Flight Instructor/operate Avion no bele hanorin fali estudante sira ne’ebe mak iha interese hakarak sai Pilotu iha loron oin mai,’’ dehan Pilotu Timoroan ne’e.

Nia dehan, difikuldade ne’ebe durante nia hasoru bainhira aprende mak hanesan, lingua mak sai difikuldade bo’ot tanba iha aviaun laran buat hotu hakerek ho lian Ingles.

Nia esplika, aviaun ne’ebe mak loro-loron sira uja hodi halo operasaun ba mai delega husi Institute ne’ebe sira aprende ba.

Iha biban ne’e nia husik mos lia menon ba feto maluk Timor hotu atu labele baruk estuda atu nune’e bele lao tuir dalan ne’ebe mak nia liu ona maske laos fasil maibe tenke koko atu nune’e bele ultrapasa. Tanba ne’e nia husu mos ba Tiomroan hotu, labele halo deskriminasaun hasoru feto sira, tanba feto mos iha direitu atu aprende.

‘‘Hau nia liamenon badak de’it, ba feto maluk sira future atu nabilan entaun tenke estuda no esforsu an li-liu hau nia feto maluk sira, tanbasa ema mane bele ita feto labele,’’ dehan Feto morena ne’e.

Hare ba realidade deskriminasaun mane hasoru feto iha Timor sei iha, nia husu ba feto Timor hotu atu hases an husi hahlok hirak ne’e atu nune’e bele hetan future ne’ebe diak.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here