Home dezenvolvimentu CNRT Sei Lori Atauro ba Moris Diak

CNRT Sei Lori Atauro ba Moris Diak

460
0
SHARE
Prezidenti Partidu CNRT, Xanana Gusmao kontinua hato'o programa CNRT iha Komisiu Politik ne'ebe halao iha Ilha Atauro, Autoridade Munisipiu Dili, Sabadu (15/07/2017). Photo: Media CNRT

By: Hortencio SANCHES

THETIMOR-NEWS.com, ATAURO – Partidu Congreço Nasional Reconstrução Timor – Leste (CNRT) liu husi Prezidente Kay Rala Xanana Gusmão hatete, tinan 5 oin mai CNRT ukun, sei la haluha Povu Atauro nia preokupasaun hodi hadia Estrada no dada be’e mos ba povu atu nune’e lori Atauro ba moris diak.

Prezidenti Partidu CNRT, Xanana Gusmao wainhira hasoru malu ho povu Atauro hodi hato’o programa CNRT iha Komisiu Politik ne’ebe halao iha Ilha Atauro, Autoridade Munisipiu Dili, Sabadu (15/07/2017). Photo: Media CNRT

Xanana Gusmão afirma, Governu sei hakbesik ba povu Atauro, atu rejolve hamutuk problema ne’ebe mak agora Atauro oan sira infrenta.

“Ami sei la haluha Atauro, iha tinan lima oin mai povu Atauro tenke asesu ba estrada diak no dada be’e mos,” dehan Xanana ba militante CNRT iha Postu Administrativu Atauro, Autoridade Munisipal Dili, Sabadu (16/07/2017).

Hare’e ba Atauro iha potensia ba Turismu no peska, nia husu ba Joven no povu Atauro atu prepara an no badinas hodi dezemvolve Ilha Atauro tuir mehi povu Atauro nian duni.

“Atauro nia oan sira mak fo hanoin, hafoin Governu halo, joven sira tenke fera ulun atu dezenvolve Atauro labele oin bola guling, tanba Atauro iha potensial ba buat oi-oin,” dehan Xanana.

Nia fo hanoin ba Atauro oan sira, saida mak prioridade iha rai ne’e tenke halo proposta atu nune’e povu husi rai ne’e labele hakur bebeik tasi hodi hola sira nia presiza iha Dili.

Nune’e mos Xanana aseita ho proposta veteranu Atauro nian ne’ebe hakarak hari’I armazem sasan infraestruktur nain hoid fasilita povu Atauro la persiza ba Dili wainhira persiza material halo uma nian.

Eis Rezistensia ne’e husu ba povu Atauro atu vota ba CNRT atu hametin dezenvolvimentu iha Timor – Leste atu lori povu ba moris diak.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here