Home internasional STAE Distribui Material Eleisaun ba Munisipiu no Rai Liur

STAE Distribui Material Eleisaun ba Munisipiu no Rai Liur

45
0
SHARE
Diretor STAE Acilino Manuel Branco Entrega hela materiais Elpar ba Diplomata Inglatera: Photo TTN/Hortencio Sanches.

By: Hortencio SANCHES

THETIMOR-NEWS.com, DILI – Orgaun Eleitoral, Sekretariadu Tekniku Eleitoral (STAE) Sesta (14/07/ 2017) intrega ona  materiais Eleisaun Parlamentar (Elpar) ba munisipiu no rai liur ne’ebe tama ona lista ba sentru votasaun.

Funsionariu STAE munisipiu sira tula hela materiais Elpar ba kareta: Photo/TTN, Hortencio Sanches.

Iha rai liur STAE loke sentru votasaun iha Inglatera (Londres), Koreia Sul (Seuol), Australia (Sidney, Darwin ho Melbourne), Portugal (Lisboa).

Serimonia entrega material eleisaun ne’e partisipa husi, Ministru Kordenador Asunto Justisa no Ministru Administrasaun Estatal, Dioniso Babo, Prezidente Comisaun Nasional das Elisoes  (CNE) Alsino de Araujo Baris, Diretor STAE Acilino Manuel Branco komandante Polisia Nasional Timor – Leste PNTL husi munisipiu 13, STAE Munisipiu, Partidus Politiku (Parpol) no Observador nasional ho Internasional.

Iha fatin hanesan Ministru Estatal, Dioniso Babo lori Governu nia naran hato obrigadu no agradese ba Parpol ne’ebe hatudu ona maturidade diak iha Kampaina Politiku ne’ebe mak halao ona, fiar katak iha Elpar sei la oho susesu.

‘‘Hau lori Governu nia naran agradese no obrigadu ba Parpol sira hotu, tanba hatudu ona imi nia maturidade diak iha kampaina ne’ebe mak liu ona lao diak tebes,’’ dehan Dioniso Babo iha nia deskursu bainhira Entrega materiais Elpar ba STAE  munisipiu no Nasaun 4 iha rai liur.

Nia hatutan, ho maturidade sira ne’ebe mak Parpol sira halo, hatudu ba mundu Timor  laos bele de’it, maibe  Timor  mos bele deside rasik nia destinu.

Iha sorin seluk Diretor jeral STAE  hatete, materiais Elpar hanesan Voletin votus sai hanesan, materiais ida ne’ebe importante tebes atu deside nasaun nia destinu.

‘‘Voletin votus agora komesa sai ona ba munisipiu 13 hahu ohin no aban nasaun 4 iha liur komesa sai ona remata iha 16 Jullu, materiais hirak ne’e importante tebes ne’e duni ne’ebe ita bo’ot sira ne’ebe lori materiais hirak ne’e tenke koidadu no responsabilidade,’’ dehan Acilino.

Iha sikun seluk Prezidente CNE husu ba Parpol sira atu kopera hamutuk ho orgaun 2 hanesan CNE no STAE bainhira iha failansu ruma tenke konfirma uluk labele halo barullu iha fatin votasaun.

‘‘Husu ba Parpol sira hotu bainhira to loron eleisaun mak buat ruma faille tenke konfirma lai ami CNE no STAE labele halo barullu iha fatin votasaun tanba iha eleisaun ne’e laos ita mesak maibe iha mos matan sira husi Internasional entaun ita tenke hatudu hahalok ida ne’ebe mak diak,’’ dehan Alcino.

Alende intrega Voletin votus, STAE nasional Intrega mos motorijada ho marka Mega Pro hamutuk 13 ba STAE munisipiu sira atu fasilita servisu Elpar nian iha tereinu.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here