Home dezenvolvimentu PEP Sei Kria Industria Lokal iha Ermera

PEP Sei Kria Industria Lokal iha Ermera

108
0
SHARE

By: Fidelio RAMOS

THETIMORNEWS.com, GLENO- Partidu Esperansa da Patria (PEP) liu husi nia vise Sekretariu Jeral, Lucas da Costa promete, bainhira povu Timor – Leste fo konfiansa ba partidu kaer ukun sei kria industria local iha Autoridade Munisipiu Ermera.

Tuir nia, Ermera iha potensial ba produtu lokal hanesan, Kafe no fatin Turismu sira maibe to agora Governu la tau importansia.

Tanba ne’e, bainhira PEP manan sei realija hotu programa hirak ne’e, atu kafe nain iha ermera mak sai patraun ba nia kafe.

‘‘PEP manan sei realija programa hirak ne’e  atu nune’e, kafe nain iha ermera mak sei sai patraun ba nia kafe laos ema seluk,PEP   sei kria mos  regulamentu oinsa atu halo  koperativa industria lokal iha  Munisipiu Ermera nune’e kafe iha Ermera folin bele aumenta,’’ dehan Lucas ba militante PEP bainhira  halao Kampaian iha Glenu, Kinta (13/07/2017) .

Alende kria regulamentu  koperaiva industria lokal, sei instala mos sistema merkadu lokal iha Postu Hatulia  tanba iha be manas ida  sai hanesan potensial fatin turizmu iha Ermera hodi garante  vizitantes internasional nune’e povu Ermera bele hetan reseitas.

Nia hatutan, PEP mai ho prinsipiu lakoi atu halo diskriminasaun ba ema, maibe hakarak halibur ema no garante toleransia hodi hametin Unidade Nasional.

Nia husu ba povu Ermera hotu atu labele fiar demais ba ema seluk nia lohi tanba imi seidauk hatene so justisa de’it mak justifika.

“Hau hakarak hatete ba imi se imi fiar sala ema nia bosok  tanba   imi seidauk  hatene didiak,  so  lei  maka justifika laiha ema ida mak justika ne’e duni imi labele fiar demais ema,” dehan Lukas.

 Nia hatutan, ParPol balun ukun periudu tolu ona maibe sei brani bosok nafatin povu liu-liu iha Ermera katak, manan sei promove folin kafe maibe realidade folin tun nafatin.

“Uluk hetan tia votus konfiansa husi Ermera maibe, nusa la promove kafé folin hodi halo  dezenvovimentu atu  nune’e bele hametin povu nia konfiansa,  tanba ne’e PEP lakoi  bosok povu” dehan nia.

Editór: Hortencio SANCHES I COPYRIGHT@2017

LEAVE A REPLY

Please enter your comment!
Please enter your name here