Home nasional Jornalista 225 Sei Kobertura iha Elpar

Jornalista 225 Sei Kobertura iha Elpar

203
0
SHARE
Jornalista 225 Fiksu ona halo kobertura Elpar.

 By:Hortencio SANCHES

THETIMOR-NEWS. com, DILI – Orgaun Eleitoral, Sekretariadu Teknika Administrasaun Eleitoral (STAE) oras ne’e daudaun halo ona akreditasaun ba jornalista husi Nasional no Internasional hamutuk 225 hodi halo kobertura ba iha Elisaun Parlamentar (Elpar).

Diretor Jeral (STAE) Acilino Manuel Branco informa, Numeru Jornalista husi Nasional no Internasional ne’ebe mak akredita sei provijoriu tanba oras ne’e daudaun balun sei halo hela akreditasaun.

‘‘Numeru jornalista hirak ne’e mai husi media Nasional no Internasional ne’ebe mak halo akreditasaun ona husi STAE atu halo kobertura ba iha Elpar agora, maibe iha numeru ne’e mos sei provijoriu hela tanba iha media balun mos agora daudaun sei rejistu, media nasional hamutuk jornalista 210 no Internasional 15,’’ dehan Acelino iha Konfrensia Imprensa ne’ebe halao iha Sede Nasional (STAE) Caicoli, Dili (13/07/2017).

Nia hatutan Jornalista internasional sira ne’ebe halo kobertura iha Elpar agora mai husi nasaun sira iha Azia, Europa, Oseanu Pasifiku hanesan Autralia no Amerika.

Alende ne’e, STAE halo mos akreditasaun ba Observador sira ne’ebe estatutu kona duni ba halo observa iha Eisaun husi Nasional no Internasional inklui mos reprezentante Partidus politiku (ParPol) sira hodi halo Fiskaliza iha sentru votasaun.

‘‘Ita mos fo akreditasaun ba iha Observadores Nasionais no Internasionais ba iha organizasaun sira ne’ebe nia estatutu halo mos aktu de observasaun ni-nian, Nasionais ne’ebe mak STAE halo akreditasaun ona hamutuk 3.283, Internasionais hamutuk 174 balun agora daudaun iha ne’e ona no balun sei iha dalan, ikus liu ita mos halo akreditasaun ba reprezentante ParPol sira atu halo fiskais ba iha apuramentu Munisipiu tuir lei ParPol ida tenke iha nia fiskais rua iha sentru votasaun ida’’ dehan Acelino.

Nia hatutan, iha Elisaun Observador husi Nasionais no Internasionais Fiskais ParPol sira bele halo obseva mos ba sentru votasaun sira ne’ebe halo iha rai liur to elisaun remata ba iha apuramentu.

Editora: Agida DOS SANTOS COPYRIGHT@2017

LEAVE A REPLY

Please enter your comment!
Please enter your name here