Home nasional Antonio: Parpol Labele Nega Labarik Partisipa Kampana

Antonio: Parpol Labele Nega Labarik Partisipa Kampana

52
0
SHARE

By: Hortencio SANCHES

THETIMOR-NEWS.com, DILI – Governu liu husi Ministru Edukasaun Antonio da Conceição hatete, Partidus Politiku sira labele nega tanba realidade hatudu momos katak iha kampana Politiku ne’ebe mak oras ne’e lao daudaun hela iha labarik ki’ik barak mak partisipa.

Antonio afirma, tuir lei bandu ona labarik labele partisipa iha kampana tanba sira nia idade seidauk to’o, maibe dependensia labarik nian ba inan aman sira mos partisipa iha kampana.

‘‘Inan aman sira mos tenke konsiente atu labele lori oan sir aba partisipa iha kampana, maibe tanba razaun dependensia labarik sira nian ba inan aman atu husik hela sira mesak iha uma se mak atu kuidadu sira, entaun inan aman sira tenke lori labarik sir aba partisipa hotu, ne’e ita labele nega dehan labarik la partesipa iha kampaina,’’ dehan Antonio ba Jornalista hafoin remata enkontru konsellu Ministru iha Palasiu Governu, Tersa (11/07/2017).

Tanba ne’e nudar Ministru Edukasaun nia husu ba labarik sira hotu iha Timor laran diak liu konsentra iha eskola duke ba tuir kampana tanba lei bandu ona labarik sira.

Nune’e nia husu mos ba inan aman sira tenke hapara lori oan sira partisipa iha kampana Parpol tanba la importante ba labarik sira. Tuir nia, labarik barak ne’ebe mak gosta partisipa iha kampaina Parpol tanba gosta atu simu kamijola no banderolas partidu nian maibe sira la hatene lei bandu.

Editór: Hortencio SANCHES I COPYRIGHT@2017

LEAVE A REPLY

Please enter your comment!
Please enter your name here