Home nasional Povu Moris Diak, Foin Koalia Dezenvolvimentu

Povu Moris Diak, Foin Koalia Dezenvolvimentu

146
0
SHARE
Prezidenti Partidu Republikanu, Joao Mariano Saldanha hatudu desena Uma Moris Diak (UMD) ne'ebe PR halo hodi fo apoiu ba povu kbiit laek, Tersa (21/06/2017), iha Sede Nasional PR, Vila Verde, dili. Photo: TTN/Fidelio Ramos

By: Fidelio RAMOS

THETIMORNEWS.com, GLENO – Kandidatu Parlamentu Nasional Partidu Republikanu (PR) Luis Alves Tilman Mau-Hunu hatete, Koalia kona ba Dezenvolvimentu Povu tenke moris diak uluk.

Kandidatu deputadu PR numeru 2 ne’e afirma, bainhira PR manan povu iha iha Timor – Leste tenke moris diak.

“Dezenvolvimentu humanu importante no povu tenki moris diak hotu depois maka ita kolia kona ba dezenvovimentu povu seidauk moris diak lalika kolia dezenvovimentu ne’e ita mehi no sik deit karik” dehan Mau Hunu ba militante Partidu PR iha Gleno, Autroridade Munisipiu Ermera, Domingu (09/07/2017).

Tuir Mau-Hunu, dezenvovimentu iha Ermera lao hakdasak tan de’it parte balun la gosta malu no hare liu ba kor. Tanba ne’e nudar Ermera oan nia husu ba hot-hotu tenke bolu malu hodi hamutuk atu lori dezenvolve iha Autoridade Munisipiu ne’e bele sai furak hanesan Munisipiu seluk.

Iha biban ne’e nia husu mos ba Mestre sira iha Ermera atu Independente no Profisional atu eduka Povu nia oan sira ho diak hodi prepara ba futuru ne’ebe mak diak ho kualidade, tan ne’e mestre sira labele involve iha partidu hodi impede dezenvolvimentu edukasaun nian.

Nia husu mos ba Partidu Politiku hotu ne’ebe mak kaer ukun tenke nakloke ba ema hotu no labele hare ba kor partidu de’it hodi lohi tun sae.

“Governu ne’ebe kaer ukun nia tenki dezenvolve povu ba rai ne’e lalika bosok povu dehan osan hasai husi bolsu maka atu halo dezenvolvinentu ita lalika bosok malu tanba ita hatene hela buat ne’ebe la’o iha TL” dehan nia.

Nia hatutan, Governu kuandu ukun hare ba kor partidu mak Dezenvolvimentu sei lao hakdasak iha fatin. Mau Hunu Promete, bainhira Povu fo fiar ba PR kaer Governu no hetan asentu iha Paerlamentu Nasional, sei halo dezenvolvimentu ba area Turismu sira iha Ermera liu-liu Aldeia Hatuhei ne’ebe besik iha Ramelau nia hun sei sai Espesial iha Timor – Leste.

“Ita iha hatuhei bele halo Turizmu komunitariu, tanba ita nia fatin ne’e besik foho Ramelau entaun hau husu ba imi hanesan familia tenki fo konfiansa mai hau atu nune’e tama iha PN hodi dezenvolve fatin ne’e sai fatin espesial diak liu iha TL” dehan Mau Hunu Iha fatin ne’eba mesak nia familia nia husu ba familia sira labele fo votus arbiru ba ema seluk maske partidu la hanesan, kuandu fo votu ba ema seluk mak sei la hare povu sira iha area ne’eba.

“Hau Husu ba imi vota ba familia maske familia balun partidu ketak-ketak maibe tenki vota ba familia importante labele fo votu ba ema seluk depois ema la hare imi ona maske hau la fo osan direta no buat diak ruma diretamente ba imi maibe liu husi susar ruma ita mak ajuda malu” dehan nia. Maske Timor – Leste Independensia tinan sanulu resin lima (15) maibe komunidade Aldeia ne’e seidauk sente venefisiu husi Ukunrasik an ne’e, tanba ne’e nia husu ba povu hotu iha fatin ne’eba labele fo votus sala.

Editór: Hortencio SANCHES I COPYRIGHT@201

LEAVE A REPLY

Please enter your comment!
Please enter your name here