Home nasional Ukun Governu, KHUNTO Sei Halo Tuir Povu Nia Hakarak

Ukun Governu, KHUNTO Sei Halo Tuir Povu Nia Hakarak

230
0
SHARE
Militante partidu KHUNTO wainhira partisipa iha kampanye nebe halao iha Tasi Tolu, Dili. Photo: TTN/Fidel Ramos

By: Fidelio RAMOS

THETIMORNEWS.com, DILI – Partidu Kmanek Haburas Unidade Nasional Timoroan (KHUNTO) liu husi nia lideransa Prezidente Armanda Berta dos Santos hatete, bainhira povu fo fiar ukun iha governu, sei halo tuir buat ne’ebe mak povu hakarak.

Prezidente Armanda Berta dos Santos. Photo: TTN/Fidel Ramos

Armanda Berta dos Santos afirma, KHUNTO kaer ukun hakarak besik liu ba povu nia let no sei kria pas no unidade ba ema hotu.

“Bainhira ami kaer ukun sei buka tuir povu kbit laek sira hodi responde mehi ne’ebe mak sira hakarak no ami hakarak moris hamutuk iha Povu nia le’et,” dehan Armanda ba militante KHUNTO iha kampania ne’ebe hala’o iha Tasi-Tolu Dili, Tersa (04/07/2017).

Nia Sublina, independensia laos atu buka projetu bo’ot atu habokur deit grupu, balun maibe tenke halibur povu hotu atu moris hanesan tuir dimensaun kultura nian.

“Harii independensia laos buka projetu, tan Povu sira lakoi atu sai bainaka ba sira nia rai rasik hakarak sai duni nain ba rai ne’e tanba sira hadomi direitu umanus no kaer metin dimensaun kultura no relijiaun,” dehan nia.

Nia hatutan, KHUNTO nia misaun no vizaun hari sosiedade ida ne’ebe livre justo no akontavel karidade atu partisipa iha dezenvolivimentu nasional no valoriza valores sosiais tradiosinais tuir sidadaun sira nia hakarak.

Sekretariu Jeral KHUNTO, Jose Agustinho.Photo: TTN/Fidel Ramos

Iha sorin seluk Sekretariu Jeral KHUNTO, Jose Agustinho konfesa katak, Partidu ne’e nia programa prioridade ida mos tenke hadia kondisaun edukasaun iha Timor – Leste. Tanba ne’e KHUNTO promote bainhira povu fo fiar sei tau atensaun ba Mestre sira nia salariu atu nune’e bele eduka estudante sira ho diak.

“Ita hakarak rekursus humanu ne’ebe kualidade mai husi mestri sira entaun ida ne’e ami tau prioridade hodi aumenta salariu ba sira tanba laiha mestri laiha Prezidenti Republika, tanba ne’e ami tenke hadia kondisaun ba sira,” dehan Sekjer KHUNTO.

Editór: Hortencio SANCHES I COPYRIGHT@2017

LEAVE A REPLY

Please enter your comment!
Please enter your name here