Home nasional Povu Nia Oan Tenke Hetan Bolsa Estudu

Povu Nia Oan Tenke Hetan Bolsa Estudu

190
0
SHARE
Fransisco Deonisio Fernandes Mau-Kura.

By: Fidelio RAMOS

THETIMORNEWS.com, LIKISA – Vice Prezidenti Kampana Partidu Frenti Mudansa (FM) Francisco Dionisio Fernandes alias Mau-Kura  hatete, dalan diak atu kore povu husi ki’ak maka edukasaun, ne’e duni povu nia oan tenke hetan bolsa estudu.

Tuir Mau Kura, dalabarak ukun nain nia oan sira maka hetan bolsa estudu, maibe povu baibain nia oan susar tebes atu hetan.

“Ita lakoi hare bolsu  estudu fo deit  ba ema bo’ot nia oan sira, ida ne’e laos liberta povu husi kiak no mukit, tanba ne’e FM kaer ukun, sei hadia buat hirak ne’e hotu,” dehan Mau-Kura  iha kampaina  P-FM      iha kampo futebol Munisipiu Likisa, Kuarta (28/06/2017).

Mau-Kura esplika, durante ne’e nia halo knar estadu nian iha rai liur hatene momos ema bo’ot nia oan sira ne’ebe mak hetan bolsa estudu, ne’e duni agora daudaun P-FM sei luta hodi kombate.

“Hau uluk kuandu halo kna’ar estadu nian iha rai liur hanesan Tailandia no Filipina senti laran tristi los  tanba simu bolseiru sira husi Timor ba mesak ema bo’ot nia oan deit, maibe povu maubere nia oan oitoan liu,”  dehan Mau-Kura.

Nia hatutan, dalabarak membru Parlamentu Nasional no Governu sira halo intervensaun hakarak atu halakon kiak no mukit iha Timor – Leste, maibe realidade hatudu oin seluk.

Ne’e duni wainhira P-FM hetan konfiansa hosi povu, povu nia oan sira hot-hotu iha deretu hetan bolus estudu tantu rai laran no rai liur.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here