Home Uncategorized P-FM Fiar An Hetan Kadeira 5

P-FM Fiar An Hetan Kadeira 5

172
0
SHARE
Militante P-FM Kaer hela bandera Partidu nian iha kampaian iha munisipiu Liquica: Photo TTN/Fidelio Ramos

By Fidelio RAMOS

THETIMORNEWS.com, LIKISA –  Partidu Frenti Mudansa (P-FM) liu husi nia lideransa Prezidente, Luis Guterres (LuGu) hatete, fiar an sei hakat liu 4% hodi hetan kadeira 5 iha Elisaun Parlamentar (Elpar) 2017 atu reprezenta povu iha uma fukun Parlamentu Nasional (PN).

Militante P-FM Kaer hela bandera Partidu nian iha kampaian iha munisipiu Liquica: Photo: TTN/Fidelio Ramos

LuGu Promete, bainhira tur iha PN, P-FM sei halo   mudansa ba  dezenvolvimentu no luta hasoru  injustisa ne’ebe buras iha Timor – Leste.

“Hau fiar katak ami sei hetan kadeira 5 iha Parlamentu Nasional atu halo mudansa ba povu nia moris ida ne’e mak agora ami luta hela hakarak povu ne’e sai husi kiak no mukit no halakoin injustisa iha rai ida ne’e,” dehan LuGu ba Jornalista sira hafoin kampaina iha kampo futebol Munisipiu Liquiça, Kuarta (28/06/2017).

LuGu afirma, Programa P-FM nian ne’ebe hato iha kampana ho fuan no laran, bainhira kaer ukun tenke realiza.

“Programa ne’ebe ami hato ba povu ho ami nia fuan no laran atu nune’e bele halo mudansa ba ekonoma Timor – Leste nian, se ita la halo mudansa  mak povu sei la moris diak no korupsaun buras liu tan,” dehan LuGu.

Hare ba korupsaun ne’ebe agora buras iha Timor –Leste  P-FM promete, bainhira kaer ukun sei la iha toleransia.

Nia hatutan, tuir nia relatoriu Timor -Leste  agora daudaun Korupsaun barak iha governasaun, maibe P-FM hatudu ona ezemplu ne’ebe diak tanba  la involve iha korupsaun.

“Agora ita hare  relatoriu iha Timor ne’e korupsaun barak los  i ami fo ona ezemplu katak tama governu liman mos no sai mos ho liman mos tan ami hakarak ukun domin no dame iha rai laran,” dehan nia.

Tanba ne’e, nia husu ba povu atu fo konfiansa ba P-FM atu kaer ukun iha  Timor – Leste atu lori povu sai husi nakukun kiak ba naroman moris diak.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here