Home nasional Xanana: CNRT Mai Halo Komprimisiu, Laos Halo Promesa

Xanana: CNRT Mai Halo Komprimisiu, Laos Halo Promesa

840
0
SHARE
Prezidenti Partidu CNRT, Kay Rala Xanana Gusmao wainhira hatoo nia komprimisiu politiku iha kampana ne'ebe halao iha Maun Meta, Liquisa. Kuarta (28/06/2017). Photo: Media CNRT

By: Hortencio SANCHES

THETIMOR-NEWS.com, LIQUIÇA – Hare’e ba prezensa partidu politiku bar-barak iha Eleisaun Parlamentar ne’ebe halo promesa oi-oin deit ba povu, Prezidenti Partido Congresso Nacional Reconstrução Timor – Leste (CNRT), Kay Rala Xanana Gusmão husu  ba povu atu kontinua hamutuk ho CNRT, tamba CNRT mai halo komprimisiu laos halo promesa.   

Prezidenti Partidu CNRT, Kay Rala Xanana Gusmao ho Koordenador P.CNRT Munisipiu Liquisa, Domingos dos Santos Mau-Caro halo edukasaun votantes ba povu atu labele sala tu iha numeru 7 hdi vota ba CNRT. Photo: Media CNRT

“Komprimisiu CNRT nian atu hadia hotu servisu ne’ebe mak lao ona, halo dezemvolvimentu,” dehan Xanana Gusmão iha nia kampana politiku, Kuarta (28/06/2017), iha Maumeta, Liquisa, Munisipiu Liquisa.

Xanana hatutan, prinsipiu CNRT nian atu tau matan ba povu hotu, maibe povu tenke moris iha unidade no paz.  Tanba ne’e Fundador Partidu CNRT ne’e, husu ba ema hotu lalika tan ona atu kria problema hodi nune’e oho malu bebeik maibe povu Timor tenke ida deit atu lao ba oin hodi dezenvolve nasaun ne’e ba futuru ida ne’ebe diak.

“Ita CNRT kaer ukun iha 2017, sei tau atensaun nafatin ba setor Saude, Edukasaun no sosiais no seluk tan atu hadia povu hotu nia moris,” dehan Xanana Gusmão.

Alende ne’e CNRT sei tau atensaun mos ba Obras bo’ot hotu iha Timor – Leste.

“Ita laos tau atensaun de’it, ba saude no Edukasaun maibe tau atensaun mos ba obra bo’ot hotu ne’e mak ita la para ho dezenvolvimentu lao ba oin nafatin,” dehan Xanana Gusmão.

Nia akresenta tan, importante liu iha 2017 ba to’o 2022 mak hakbesik liu Governu ba povu liu husi desentralizasaun. Tuir nia CNRT manan tiha ona iha 2017, maibe laos Partidu mak manan, povu mak manan tanba atu dezenvolve povu sai husi kiak no mukit.

Iha fatin hanesan, kordenador Partidu CNRT Munisipiu Liquiça Domingos dos Santos alias Mau Caro hatete, Xanana nia luta atu lori povu ba moris diak.

“Luta ne’ebe mak Xanana halo atu lori ita hotu ba moris diak ne’e duni hau husu ba imi hotu labele hili sal iha elisaun agora,” dehan Mau Caro.

Nia hatutan iha Timor – Leste so Xanana deit mak bele lori povu no rai ne’e ba moris diak, nune’e nia garante CNRT sei manan iha munisipiu Liquiça.

Kampaina Partidu CNRT iha munisipiu Liquiça lao ho susesu bainhira partisipa husi nia militante rihun ba rihun iha fatin ne’eba. Tuir orariu CNE partidu ho numeru Soteiu 7 ne’e sei halao hikas fali nia kampaina iha loron 30 Junu iha Remixiu, Munisipiu Aileu.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here