Home nasional PR Sei Monta Postu Saúde Husi Suku to’o Aldeia

PR Sei Monta Postu Saúde Husi Suku to’o Aldeia

243
0
SHARE

By: Fidelio RAMOS

THETIMORNEWS.com, UATO-CARBAU – Partidu Republikanu (PR) promete sei harii postu saude too aldeia wainhira kaer ukun iha governu periodu2017-2022.

Kandidatu Deputado PR numeru 3, Marina Ximenes de Jesus promete lia hirak ne’e iha komisiu politiku ba militantes iha Postu Asministrativu Uato Carbau, Munisipiu Viqueque, Segunda (26/06/2017).

“Ami tenki tau postu saúde iha suku to’o aldeia tau parteira barak hodi atende ita nia inan sira bainhira  atu partus” nia dehan.

Nia mos promote, sei bolu hikas feto kaben nain sira ne’ebe kaben sedu no labele kontinua nia estudu too nivel sekundaria.

“Feto sira kuando eskola seidauk temata eskola  maka kaben sedu  hodi sai  husi eskola ami sei bolu hikas ba kontinua fali ” nia dehan.

Iha fatin hanesan, Vise Prezidenti PR Vicenti Dias da Costa hatete, ukun an ba dala 15 ona mos populasaun sira  moris seidauk sufisienti tanba ne’e,  PR sei implementa nia programa hirak ne’ebe povu presiza liu hanesan ahi eletrisidade, be mos no postu saúde atu nune’e responde ba  halerik no preokupasaun ne’ebe enfrenta iha baze.

“Horseik ami hasoru militantes balu dehan ita seidauk ukun an ne’e aignifika sei moris iha nakukun no seidauk asesu ahi eletrisidade i populasaun balu asesu i balu seidauk tuir lolos ukun-an tinan 15 ne’e  labele acontese problema hanesan ne’e,” nia dehan.

Ajenda PR  tuir mai aban Terça (27/06/2017)  sei hala’o  fali iha Ilomar, Munisipiu Lautem hodi fahe brosura too Lospalos.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here