Home dezenvolvimentu Governasaun Lokal Kontinua Sai Komprimisiu CNRT iha Governu Foun

Governasaun Lokal Kontinua Sai Komprimisiu CNRT iha Governu Foun

305
0
SHARE
Prezidenti Partidu CNRT Kay Rala Xanana Gusmao hato hela komisio Politiku ba Militante sira: Photo/ media CNRT.

By: Hortencio SANCHES

THETIMOR-NEWS.com, GLENO – Atu dudu dezemvolvimentu iha munisipiu lao lalais, Partidu Congresso Nasional Reconstrução Timor – Leste (CNRT) iha nia governasaun foun ba tinan lima tuir mai ne’e kontinua fo poder ba governu lokal.

Artista Abio Salsinha anima hela militante Partidu CNRT wainhira partisipa iha kampana politika Partidu CNRT nian iha Gleno, Autoridade Munisipiu Ermera, Segunda (26/06/2017). Photo: Media CNRT

Prezidente Partidu CNRT, Kay Rala Xanana Gusmão hatete, atu hafasil dezemvolvimentu iha fatin hot-hotu, governu lokal mak tenki hare’e ida-idak nia munisipiu nune’e povu bele hetan mos nia benefisiu iha dezemvolvimentu nian.

“Osan tenke halai iha ita hotu nia liman atu nune’e ita bele dudu dezenvolvimentu ne’e ba oin, atu buat hotu labele depende ba Governu sentral de’it ida ne’e mak CNRT nia komprimisiu, sei dudu governu lokal halo rasik nia dezemvolvimentu ba nia munisipiu rasik,” dehan Kay Rala Xanana Gusmão iha kampana politika Partidu CNRT nian ba dala hitu, Segunda (26/06/2017), iha Kampu Futebol Gleno, Autoridade Munisipiu Dili.

Tamba ne’e, lideransa maximu Partidu CNRT ne’e apela ba povu Ermera atu book an no esforsu liu tan hodi dudu dezemvolvimentu hamutuk ho nia governasaun lokal.

“Hau sei lori duni dezemvolvimentu iha Ermera, sei harii banku iha munisipiu hodi apoiu mos setor privadu hodi fo kreditu ba empreza mediu nune’e bele hamosu mos produtu lokal liu hosi frutas ne’ebe iha no sel-seluk tan, inklui hakiak animal,” dehan Kay Rala Xanana Gusmão.

Nia hatutan, “Ermera laos potensia husi Kafé de’it maibe Ermera iha potnsia atu hakiak animal hanesan Bibi no seluk tan bainhira ema mai hola osan tama hadulas deit iha ita nia rai laran, osan sei la semo sai tan ona”.

Iha fatin hanesan kordenador Partidu CNRT Autoridade Munisipiu Ermera, Domingos Lemos hatete, nia fo valorija ba Prezidente P-CNRT atu kaer ukun tan tinan lima atu bele hadia nesisidade povu nian.

“Hau valoriza maun bo’ot Xanana Gusmão atu kaer ukun tan tinan lima atu lori rai ne’e ba futuru ne’ebe diak,” dehan Domingos Lemos.

Hare ba servisu ne’ebe mak durnte ne’e sira halo iha baze nia garante katak CNRT sei hetan votus maioria iha Autoridade Munisipal Ermera.

Kampaina Partidu CNRT iha Glenu Autoridade Munisipiu Ermera lao ho susesu, no hetan partisipasaun maximu hosi nia militante ne’ebe rihun ba rihun halo nakonu fatin kampana.

Tuir orariu husi CNE partodu Politiku CNRT sei hahu hikas fali nia kampana iha Maliana, Autoridade Munisipiu Bobonaru, Tersa (27/06/2017).

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here