Home nasional PR Sei Idenfika Problema Veteranus 

PR Sei Idenfika Problema Veteranus 

212
0
SHARE

By: Fidelio RAMOS

THETIMORNEWS.com, UATO-LARI – Sekretariu Jeral Partidu Republikanu (PR) Venancio Sarmento promete sei identifika  problema veteranus sira nian hodi hatene ema ne’ebe maka merese sai duni veteranus.

“Ema balu  ne’ebe veteranus lolos  to’o agora  seidauk simu sira nia direitu, tanba estadu seidauk identifika los  se la identifika estadu bele gasta osan  hotu,” dehan Venancio ba militante PR sira iha  Postu Administrativu Uato-Lari, Munisipiu Viqueque, Domingu (25/06/2017).

Iha oportunidade ne’e nia mos tau kualidade edukasaun sai prioridade ba sira nia programa  oinsa atu prepara fasilidade no rekursu  umanus ba mestri sira nia area  atu  hanorin.

“Ita tenki prepara fasilidade no rekursu umanu atu koloka mestri sira tuir sira nia hanorin, tanba mestri balu nia area kimika lae ba kaer fali politik entaun  bainhira estudante husu  perguntas sira labele hatan  fo ona impaktu ba edukasaun entaun ita presiza hadia” dehan Venancio

Iha fatin hanesan Xefe Suku Afaloicai Costantino Guterres husu ba militantes PR nian hotu, kualker partidu ne’ebe deit  tama mai halo kampanã prontu simu deit, atu rona programa ne’ebe sira promete.

“Ita lalika rona ema seluk dalaruma koalia lalos, diak liu partidu ne’ebe tama mai simu deit hodi rona sira nia programa, maske partidu ketak-ketak, maibe ita ida deit tanba ne’e, mai ita hamutuk  simu  hodi lori rai ne’e nune-‘e semak mana karik ba  futuru bele dezenvolve ita rai,” nia dehan.

Editóra: Agida DOS SANTOS I COPYRIGHT@2017

 

LEAVE A REPLY

Please enter your comment!
Please enter your name here