Home desportu SEA Games 2017, Governu “Karantina” Atleta Sira iha Kuartel PM

SEA Games 2017, Governu “Karantina” Atleta Sira iha Kuartel PM

60
0
SHARE
Governu "Karantina" atleta ho offisial Timor-Leste ne'ebe sei partisipa iha SEA Games 2017 iha Kuala Lumpur, Malayzia. Photo" TTN/Hortencio Sanches

By: Hortencio SANCHES

THETIMOR-NEWS.com, DILI – Atu hetan rezultadu diak no lori naran Timor-Leste morin iha internasional, goveru liu hosi Sekretariu Estadu Joventude no Desportu “karantina” atleta no official sira ne’ebe sei reprezenta delegasaun Timor-Leste partisipa iha SEA Games 2017 iha Kuala Lumpur, Malayzia.

Sura hamutuk atleta no official, delegasaun Timor-Leste ne’ebe tama karantina hamutuk ema nain 62 ne’ebe hahu Sabadu (24/06/2017) hela ona iha asrama Kuartel Polisia Militar (PM) nian iha Quintal Bo’ot, Dili.

Prosesu karantina ba atleta no ofisial sira halo ho seremonia official ne’ebe partisipa hosi Sekretariu Estadu Leovigildo Hornay no Koronel Falur Rate Laek.

“Durante ne’e hau lori governu nia naran hakbesik an ba iha Xefe Estadu Maior das Forsas Armadas F-FDTL, Maijor Jeneral Lere Anana Timur atu husu fatun ba imi atu hela durante fulan rua nia laran antes imi atu aranka ba kompete eventu Internasional Sea Ganes iha Malasia agora, ne’e duni hau husu ba imi tenke disiplina no responsabilidade atu kompete iha eventu hirak ne’e bele lakon ba mos ho dignidade,” dehan Leovigildo Hornai.

Maski rekonese katak karatina atleta no official sira ho fulan rua ne’e sedauk sufsiente, estadu no governu iha nafatin korajen atu halo dezenvolvimentu desportu iha Timor – Leste ba oin nafatin.

Nia promete iha tinan 2019 Governu foun mai atleta sira sei hela iha fatin ne’ebe mak diak tanba fatin agora halo ona iha Bekora.

Iha sorin seluk Koronel Falur Rate Laek hatete, militar oferese fatin atu atleta sira hela maibe tenke koidadu fasilidade hirak ne’ebe iha hanesan sira nian.

“Ami oferese fatin ba imi, sasan hirak iha ne’e imi nian, maibe tenke koidadu atu nune’e ita sira ne’e mak uja, fasilidade kompletu imi atu uja uja deit, maibe tenke kolabora ho imi nia maun sira iha ne’e,” dehan Koronel Falur Rate Laek.

Nia hatutan, atleta sai hanesan avo Lafaek hakur be’e no tasi atu ba tata buat ne’ebe diak lori mai tau iha Timor- Leste.

“Sira balun ohin temi ona imi Embaixador, maibe hau la temi ona imi hanesan ne’e, hau temi karak imi mak hanesan avo Lafaek atu ba tata nan no buat diak iha tasi sorin hodi lori mai ita nia rain,” dehan nia.

Prezidente CDTL Afranio Xavier Amaral hatete, atleta sira presiza iha kondisaun ne’ebe mak diak, maibe realidade agora daudaun atleta Timoroan barak mak seidauk iha kondisaun ne’ebe diak ho nune’e hanesan mahon ba desportu hotu iha Timor – Leste hakbesik ba governu maibe konsege tau matan duni ba sira.

“Hanesan Konfederasaun Desportiva de Timor – Leste durante ne’e rona lian halerik barak husi federasaun sira hotu kona ba alimentasaun no kondisaun, entaun hau CDTL hakbesik an ba iha Governu liu husi (SEJD) konsege hetan duni fatin ida ne’e ba atleta sira hela hodi prepra antes aranka ba kompete eventu Internasional Sea Games,” dehan Afranio.

Nia hatutan, lori Federasaun hotu nia naran hakarak agradese ba SEJD tanba bele buka ona fatin ba atleta sira no agradese ba Maijor Jeneral Lere Anan Timor bele ofrense ona fatin ba atletas sira.

Modalidade 7 ne’ebe sei kompete iha SEA Games 2017 mak Taekwondo ho atleta 4  no treinador 2, Karatedo (atleta 4, treinador 1), Boxing (atleta 3, treinador 2), Volibol (atleta 10, ofisial 3), Silat (atleta 2 treinador 1), Atletismu (atleta 4, ofisial 2), Nanin (atlet 1 ofisial 2), Futebol (atleta 20, ofisial 2).

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here