Home nasional Horta Parpol 4 Sei Hadau Malu Forma Governu

Horta Parpol 4 Sei Hadau Malu Forma Governu

1188
0
SHARE

By: Hortencio SANCHES

THETIMOR-NEWS.com, DILI – Eis Prezidente RDTL 2007-2012, Jose Ramos Horta fiar katak iha partidu politiku (parpol) hat (4) mak sei hadau malu hodi forma governu foun iha Eleisaun Parlamentar 2017.

Militante Partidu CNRT wainhira partisipa iha kampana CNRT nian iha Zumalai, Munisipiu Cova Lima. Photo: Dok Media CNRT

Parpol hat ne’e maka Partidu Congresso Nacional de Recontrução de Timor-Leste (CNRT), Frente Revlucionario Timor-Leste Independente (FRETILIN), Partidu Democratico (PD) no Frente-Mudança (FM).

“Eleisaun Parlamentar agora partidu bo’ot 4 mak sei hadau malu tanba sira nia militantes barak, inklui sira ne’ebe foun, maibe militantes barak sira ne’e hotu mak sei iha posibilidade atu kaer governu durante tinan 5,” dehan Premiadu Nobel da Paz, Ramos Horta ba Jornalista sira hafoin enkontru ho Prezidente da Republika Fransisco Gurerres Lu-Olo, iha Palasiu Aitarak Laran Dili, Sexta (23/06/2017).

Tuir nia Parpol se de’it mak hetan konfiansa husi povu atu kaer ukun labele hare ba kor partidus, maibe hare ba kapasidade ema nian atu nune’e bele halao servisu ho dezenvolve rai ida ne’e.

“Partidu se de’eit mak manan iha Elisaun agora importante maka ne’e, mantein hotu sentidu estadu nian oinsa atu halibur ema hotu atu halo servisu, laos hare de’it ba sira ne’ebe involve iha Parpol maibe hare mos ba ema sira ne’ebe independente atu nune’e bele servisu hamutuk hodi lori nasaun ne’e ba futuru ne’ebe diak,” dehan Ramos Horta.

Iha hasoru malu ho PR Lu-Olo koalia mos kona ba, oinsa bele hametin Paz entre Timor – Leste no nasaun internasional sira.

“Hau koalia mos ho PR oinsa Timor – Leste nia relasaun diak ho Nasaun Internasional sira atu hametin Paz no estabilidade, ita hametin relasaun diak ho nasaun Internasional sira prioridade mos ba Timor – Leste,” dehan Horta.

Eis diplomata ne’e hatutan, nasaun Internasional sira ne’ebe Timor Leste tenke halo relasaun diak mak hanesan, Australia, Indonezia, Nova Zelandia, Korea, Japaun Xina, nasaun sira iha Europa EUA no seluk ran.

Nia hatutan, sente kontente bainhira hasoru malu ho PR Lu-Olo laiha pontu de vista ne’ebe mak la diferente tanba nia hatene PR foun iha mos esperiensia ukun hanesan Prezidente Parlamentu.

“Prezidente atual ema ida ne’ebe mak iha esperiensia ona kona ba ukun nian, nia iha primeiru governu sai ona Prezidente Parlamentu, hau kontente tebes tanba ami nain rua iha hanoin ne’ebe mak hanesan,” dehan nia.

Ramos horta argumenta tan, nia sei prontu apoiu   politika internasional nian kona ba opiniaun bainhira PR presiza nia.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here