Home ekonomia PR  Sei Fo Kreditu ba Setor Privadu

PR  Sei Fo Kreditu ba Setor Privadu

474
0
SHARE

BY: Fidelio RAMOS

THETIMORNEWS.com DILI – Partidu Republikano (PR) iha nia programa kampana eleisaun parlamentar promote sei fo kreditu ba setor privadu nune’e bele suporta sira nia atividade.

Prezidenti Partidu Republikanu, Joao Mariano Saldanha koalia ba jornalista sira iha konferensia impresa ba programa PR nian durante kampana eleisaun parlamentar, Tersa (21/06/2017), iha Sede Nasional PR, Vila Verde, dili. Photo: TTN/Fidelio Ramos

Prezidenti Partidu Republikanu, João Mariano Saldanha  hateten PR manan eleisaun, sei tau osan ba  programa  Kreditu Moris Diak (KMD) ho montante US$ 100,000,000 hodi tau iha Banku Nasional Comersiu Timor Leste (BNCTL) iha tinan lima nia laran nunee bele fo kreditu ba setor privado iha teritorio.

João Saldanha afirma, fo kreditu ba setor privadu ho nia funan 4% – 7%  ba debe sira no kreditu ne’e atu haburas kompanhia micro ki’ik sira ho mediu loke servisu ba jovem sira ho haburas area rural.

“Kona ba programa ne’e  ami tama iha parlamentu  entaun  ami halo diskusaun ho partidu seluk hodi koloka i osanmentu  iha   BNCTL ne’e para  fo kreditu baratu ba setor privadu sira husi 4%-7% ba populasaun iha teritorio ” dehan João ba Jornalista sira bainhira remata dialogo ho vice prezidenti  CCI-TL  ho ekipa Kinta, (22/06/2017).

Ba populasaun ne’ebe halo  bisnis setor privado  sira, João informa, tenki halo bisnis hanesan bisnis duni  laos depende deit ba projeto governo nian , Bisnis setor privado ne’e diak lu tan para bele loke servisu barak hodi dudu kresementu ekonomia iha teritorio 10% ba leten.

Iha fatin hanesan Vice CCI-TL, Rui Castro espera katak PR sei iha posibilidade bele apoiu hodi servisu hamutuk CCI-TL  sira para atu ajuda povu ki’ik sira nia   proposta ba iha banku sira.

“Espera katak PR sei   loke odamatan  diak ba ema kikoan sira hodi halo bisnis  sai ho susesu,”  dehan Rui.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here