Home nasional PNTL Kaptura Buronan Internasional Nain 2

PNTL Kaptura Buronan Internasional Nain 2

67
0
SHARE

By: Hortencio SANCHES

THETIMOR-NEWS.com, DILI – Polisia Nasional Timor – Leste (PNTL) liu husi Servisu Investigasaun Kriminal no Unidade Polisia Maritima (UPM), Kinta (22/06/2017) kaptura sidadaun internasional nain 2 ne’ebe halai sai husi Komarka Kerobokan Bali, Indonesia.

Sidadaun internasional nain rua nudar fujitivu no tama lista buronan Polisia Republika Indonesia (POLRI) ho sira nia nasionalidade hosu Bulgaria no India. Fujitivu nain rua ne’e halai hamutuk ho nain 2 seluk  hosi Australia no Malazia. Fujitivu nain rua ne’e, PNTL kaer tamba tama teritoriu Timor-Leste laiha vistu.

“Ita nia PNTL ohin kaptura sidadaun estranjeiru nain 2 ne’ebe tama iha ita nia teritoria laiha vistu no ita lori ba prosesu, depois ne’e ita simu informasaun no surat husi POLRI katak sidadaun sira ne’e halai sai husi komarka Bali,” dehan Komisariu Julio Hornay iha konferensia Imprensa ne’ebe halao iha Kuartel Geral PNTL Caicoli Dili, Kinta (22/06/2017).

Bainhira PNTL kaptura buronan estranjeiru nain 2 ne’e, PNTL informa kedan ba iha Prokuradoria Jeral da Republika (PJR) atu fo orientasaun ba servisu Investigasaun Kriminal atu bele prosesu tuir prosedimentu ne’ebe mak iha.

Komisariu Julio Hornai hatete, oras ne’e daudaun buronan nain 2 ne’e sei iha hela sela Kuartel Jeral nian atu nune’e bele submete ba prosesu.

“Agora daudaun sidadaun nain 2 ne’e ita sei tahan hela iha ne’e, ita nia servisu kriminal sei kordena nafatin ho Prokuradoria Jeral para nune’e ita bele halo tuir prosesu legais ne’ebe mak iha,” dehan Komisariu Julio Hornay.

Hafoin kaptura buronan nain 2 ne’e PNTL kontaktu ona ho adidu POLRI nian iha Embaixada Indonesia  iha Timor – Leste rekoinese duni sidadaun hirak ne’e halai sai husi komarka Bali.

Komisariu Julio Hornai sublina, atu entrega fila fali buronan nain 2 ne’e desizaun husi PJR hafoin informa hikas ba komandu.

Tuir Informasaun buronan nain 2 ne’e hetan kastigu iha Komarka Kerobokan Bali tanba komete  kazu Money Laundry no droga.

“Sira nain 2 sidadaun ida India no Ida Bulgaria mais ida ne’ e orsida investigasaun mak ita hatene klaru,” dehan Komisariu Julio Hornay.

Tuir informasaun husi komandu bainhira kaptura sidadaun nain 2 ne’e ultrapasa mai Timor – Leste liu husi Alor ho Ró Bero.

Tuir notisias ne’ebe publika iha media Indoenzia, fujitivu nain 4 ne’e maka Dimitar Nikolov Iliev hosi Bulgaria, Sayed Mohamed Said (India), Shaun Edwad Davidson (Australia) no Tee Kok King Bin Tee Kim Sai (Malayzia).

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here