Home nasional Julio Hornay: Komunidade Tenki Kria Estabilidade Iha Tempu Kampana

Julio Hornay: Komunidade Tenki Kria Estabilidade Iha Tempu Kampana

176
0
SHARE
Militante Partidu CNRT wainhira partisipa iha kampana CNRT nian iha Zumalai, Munisipiu Cova Lima. Photo: Dok Media CNRT

By: Hortencio SANCHES

THETIMOR-NEWS.com, DILI – Komandante Polisia Nasional Timor – Leste (PNTL), Komisariu Julio Hornay husu ba komunidade hotu iha Timor – Leste tenke kria estabilidade iha tempu kampana.

Komisariu Julio afirma, komunidade no povu Timor tomak tenke tur atu asiste didiak programa ne’ebe mak Partidus Politiku (Parpol) sira hato’o iha tempu kampana atu nune’e iha eleisaun labele hili sala.

“Festa demokrasia agora daudaun ita hotu nian, ne’e duni husu ba povu hotu atu labele halo konflitus, ita tenke tur hakmatek iha fatin atu rona didiak programa ne’ebe mak Parpol sira koalia atu nune’e to tempu eleisaun ita labele hili sala,” dehan Komisariu Julio Hornay hafoin remata audensia ho PR Lu-Olo iha Palasiu Prezidente Aitarak Laran Dili, Kinta (22/06/2017).

Relasiona ho kampaina loron 2 ne’ebe mak liu ona komisariu Julio informa situasaun lao kontroladu no hakmatek.

“Kampana lao hakmatek, laiha konflitus no situasaun iha teritoriu laran lao kalma tebes,” dehan Komisariu Julio.

Nia hatutan, durante iha loron rua kampaina ParPol iha munisipiu 13 PNTL konsege prende motorizada hirak ne’ebe la kumpri regras tranzitu. Motorizada ne’ebe mak durante ne’e Polisia Tranzitu prende husi Munisipiu, Suai, Aileu, Ainaru, Manufahi no Dili.

Tuir planu PNTL sei halo pasa revista ba transporte publiku loro-loron durante tempu kampaina atu nune’e bele prevene asidente trafiku.

Editóra: Agida DOS SANTOS I COPYRIGHT@2017