Home nasional Agio Pereira Asumi Kargu PM Troka Rui Maria de Araujo

Agio Pereira Asumi Kargu PM Troka Rui Maria de Araujo

1070
0
SHARE
Agio Pereira, Primeiru Ministru Interinu atual Ministru Estadu Prezidensia Konsellu Ministru

By: Hortencio SANCHES

THETIMORNEWS.com – Agio Pereira ne’ebe durante ne’e asumi kargu nudar Ministru Estadu Prezidensia Konsellu Ministru, Kuarta (21/06/2017) ohin asumi ona kargu Primeiru Ministru (PM) Interinu hodi troka Rui Maria de Araujo.

Tuir publikasaun Ajensia Notisioza Timor-Leste (TATOLI), Agio Pereira asumi kargu PM interinu hodi priensi kargu PM Rui Araujo ne’ebe lisensa ona hodi partisipa iha kampana Partidu FRETILIN nian.

Kargu PM Interinu ne’ebe Agio Pereira asumi validu deit iha loron Kuarta to’o Sexta, tamba Segunda to’o Tersa PM Rui Araujo kontinua halao nia knar bai-bain.

Antes ne’e, Ministru Turismu, Arte no Kultura, Francisco Kalbuadi Lay husu ona lisensa nudar membru governu dahuluk ne’ebe hatama karta lisensa sem vensimentu hodi partisipa iha atividade kampana ba nia Partidu CNRT.

Alende Francisco Kalbuadi Lay, membru governu seluk ne’ebe husu ona lisensa mak Miguel Manetelu, Vise Ministru Solidaridade Sosial, Ministro Estado Kordenador ba asunto da administrasaun estadu no justisa nomos ministro administrasaun estatal, Dionisio Babo Soares, Ministru Estadu Kordenador ba Asuntos Ekonomiku no Ministro Agrikultura no Peskas Estanislau da Silva, Vise Ministru Komersiu Industria no Ambiente Nino Pereira.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here