Home nasional PR Hahu Kampana ho Lansa UMD ba Oan Ki’ak

PR Hahu Kampana ho Lansa UMD ba Oan Ki’ak

474
0
SHARE
Prezidneti PR, Joao Mariano Saldanha koalia ho Luis Alves Tilman nudar kandidatu deputadu hosi sira nia partidu iha list nueru 2 nian. Photo: TTN/Fidelio Ramos

By: Fidelio RAMOS

THETIMORNEWS.com, DILI – Partidu Republikanu (PR) hahu nia kampana Eleisaun Parlamentar (ElPar) dahuluk iha Postu Administrativu Cristo Rei, Autoridade Munisipiu Dili ho lansamentu Uma Moris Diak (UMD) ba oan kiak sira ho nia medida 6 x 7 metru.

Luis Tilman Alves tau masa ba konstrusaun UMD ba oan kiak ne’e lansa hosi pr iha nia loron dahuluk. Photo: TTN/ Fidelio Ramos

Prezidenti PR, João Mariano Saldanha afirma, lansamentu UMD ba oan kiak ne’e nudar komprimisiu politiku tamba PR sei la halo mobilizasaun massa ho numeru bo’ot, maibe oinsa bele hatudu ba povu katak programa PR nian ida maka UMD.

Wainhira PR hetan konfiansa hosi povu hodi tuur iha uma fukun Parlamentar, kada tinan UMD sei harii uma lima ba povu tomak to’o tinan lima.

“Ami kaer  Governo  sei halo uma 11.250, ida ne’e aldeia ida mais ou menus  kaer governu tinan lima remata  aldeia ida hetan uma  uma 25,” dehan João ba Jornalista sira, Tersa (20/06/2017).

 Ho lansamentu UMD ne’e, hamutuk uma 6 ona mak PR apoiu hodi tulun oan kiak sira.

“Primeiru ami hakarak lori familia nia naran hato’o parabens ba prezidenti partidu republikanu ne’ebe apoiu ona ami nia sofrementu,”dehan Armando de Jesus Amaral Pinto nudar oan kiak ne’e benefisiaria ba programa refere.

Entertantu eis kandidatu Prezidenti republika periodu 2017-2022, Luis Alves Timan (Mauhunu) ne’ebe dadauk ne’e tama ba lista numeru rua kandidatu deputadu PR nian hateten maski PR nia nudar partidu kiik, maibe hatudu ona vontade diak liu hosi nia programa hodi loripovu nia mehi ba moris diak.

“Imi nain 6 lalika senti tristi timor ita nian laos ema seluk nian tanba ne’e ohin PR halo ona ba ita bo’ot sira loron seluk ka tempu seluk sei halo diak liu tan se baihira sai reprezentante iha parlamentu hodi lori povu nia mehi ba ba moris diak” dehan Luis Alves.

Iha oportunidade ne’e nia husu ba povu sira atu hare ba ema ne’ebe ho fuan timor nian atu deside ho didiak se kuadu deside sala povu sei  halerik ho matan been hela deit mos  laiha ema ida atu hare.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here