Home Photos Dezemvolvimentu iha Suai, Prova Susessu Governasaun CNRT

Dezemvolvimentu iha Suai, Prova Susessu Governasaun CNRT

1515
0
SHARE
Prezidenti Partidu CNRT, Kay Rala Xanana Gusmao wainhira tama fatin kampana nian iha Suai, Munisipiu Cova Lima. Photo: Dok CNRT

By: Kontributor

THETIMORNEWS.com, SUAI – Projetu Tasi Mane, auto estrada no aeroporto internasional Kay Rala Xanana Gusmão prova hosi governasaun Partidu Congresso Nacional de Recontruçao de Timor-Leste (CNRT) durante ukun iha tinan 10.

Prezidenti Partidu CNRT, Kay Rala Xanana Gusmao hamutuk ho ferik-katuas no labarik oan iha kampana CNRT nian iha Suai, Munisipiu Cova Lima. Photo: Dok CNRT

Prezidenti Partidu CNRT, Kay Rala Xanana Gusmão hasai lia fuan ne’e iha komisiu politiku ba kampana dahuluk Partidu CNRT ne’ebe halao iha Suai, Munisipiu Covalima, Tersa (20/06/2017).

Ho prova dezemvolvimentu ne’e, Kay Rala Xanana Gusmão husu ba povu Suai atu kontinua tau fiar no fo votos ba Partidu CNRT iha eleisaun parlamentar 22 Jullu 2017, nune’e bele ukun tan governu hodi kontnua halo dezemvolvimentu iha teritoriu Timor-Leste tomak.

Eis Komandante FALINTIL ne’e fo hanoin ba Suai Oan sira tenki prepara aan no tenke halibur malu hodi diskuti oinsa mak bele dezenvolve diak liu tan munisipiu ne’e.

“Vota ba numeru 7, Vota Partidu CNRT nune’e bele kontinua halo dezemvolvimentu,” dehan Kay Rala Xanana Gusmão.

Antes halo kampana, Kay Rala Xanana Gusmão simu ho kultura Suai nian no lori nia haleu Suai villa antes tama ba fatin kampana nian ne’ebe konsentra iha Kamanasa, Suai Villa.

Iha komisiu ne’e, Partidu CNRT mos hetan apoiu hosi veteran hosi partidu seluk, inklui militante partidu seluk nian ne’ebe halo afiliasaun ba Partidu CNRT nune’e bele lori partidu ne’e hetan vitoria maioria iha eleisaun parlamentar.

Komisiu Partidu CNRT nian taka ho husik manu pombu nudar simbolu ba unidade nasional, estabilidade no dezemvolvimentu.

Kay Rala Xanana Gusmão ne’ebe iha loron kampana ne’e mos selebra nia tinan ba dala 71, senti kontenti tamba bele selebra iha loron kampana dahuluk partidu CNRT nian.

Loron tuir mai Partidu CNRT sei kontinua nia kampana iha Zumalai, Munisipiu Cova Lima iha Kuarta (21/06/2017) no kontinua ba Ainaro iha Sexta (22/06/2017), Same (23/06/2017) no Aileu (25/06/2017).

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here