Home nasional PEP Kaer Metin Prinsipiu, Paz Estabilidade Dezenvolvimentu

PEP Kaer Metin Prinsipiu, Paz Estabilidade Dezenvolvimentu

183
0
SHARE
Prezidente Juventude PEP, Francisco Filomena Vilanova Cardoso

By: Hortencio SANCHES

THETIMOR-NEWS.com, DILI – Partidu Esperansa da Patria liu husi nia lideransa, Prezidente Juventude PEP, Francisco Filomena Vilanova Cardoso hatete, atu dezenvolve nasaun ba moris diak laos liu deit husi koalia no politiku liu mos husi paz no estabilidade.

Francisco afirma, preparasaun PEP nian ba Elisaun Parlamentar (ElPar) preparadu no iha ona hanoin oinsa bele mantein nafatin prinsipiu ne’ebe tau ona iha bandeira PEP nian.

“Prinsipiu partidu PEP nian mak hanesan tenke iha paz, estabilidade, Unidade Nasional no dezenvolvimentu, kuandu bainhira ita halo dezenvolvimentu laos deit koalia, laos deit ita nia politik, maibe oinsa mak bele buka buat ida fraternidade,” dehan Francisco ba THETIMOR-NEWS iha nia rezidensia, Santa Cruz, Dili, Segunda (19/06/2017).

Tuir nia juventude ka ema hotu bele diferente hanoin no kor maibe objetivu halai ba dalan ida deit hanesan oinsa ho espiritu Nasionalismu atu lori nasaun ne’e ba oin liu-liu juventude hotu.

“Ami espera katak ita Timoroan hotu bele mai husi kores oi-oin maibe ita nia objetivu ne’e ida deit atu lori Rai doben ne’e ba oin ho ita nia nasionalismu liu-liu joven sira tenke sai joven  ne’ebe mak maduru i sai joven ne’ebe mak diak atu lori rai ne’e ba oin,” dehan prezidente juventude PEP.

Nia promete, iha tempu kampaina PEP sei halao kampaina politiku ho justu no dame tuir CNE nia hakarak

“Iha kampaina no festa demokrasia ida ne’e  agora PEP iha objetivu ida katak sei halao kampaina ida ne’ebe justu, kampaina ida ne’ebe  paz no dame, liu husi meius ida ne’e ami sei halao kampaina ida ne’ebe tuir duni CNE nia hakarak, dehan Fransisco.

Relasiona ho partidus politiku 21 mak sei kompete iha ElPar agora maibe PEP iha esperansa katak sei hetn duni asentu iha Parlamentu Nasional tuir dadus ne’ebe mak iha liu husi estrutura iha baze ne’ebe metin.

“Kona ba estrutura ami nian iha baze ne’e metin ne’e duni tuir lei ne’ebe mak atu hetan asentu iha PN tenke 4% ida ne’e ami nian liu dok husi ne’e,” dehan nia.

Liu husi biban ne’e nia apela ba juventude sira atu labele monu ba lasus ne’ebe ladiak iha tempu kampaina nia laran kaer metin prinsipiu dame no paz atu lori Timor – Leste ba futuru ne’ebe diak ho nu’e tenke hadok an husi konflitus.

“Nudar joventude intermus de partidu hau koalia mos hanesan prezidente juventude nasional PEP nian hakarak husu ba membru politiku hotu atu lori joven sira tuir dalan ne’ebe mak demokrasia tuir linguajen ne’ebe sagrada “esperansa da patria” atu hametin paz iha Timor – Leste,”  nia dehan.

Tuir nia juventude mak pilar importante ba nasaun fiar katak iha festa demokrasia  ne’ebe mai bele lao iha harmonia nia laran no dame patriota.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here