Home nasional P.FM Sei Haforsa KAK ba Kazu Korrupsaun

P.FM Sei Haforsa KAK ba Kazu Korrupsaun

137
0
SHARE
Alma Cruzeiru, membru Komisaun Politik Nasional Partidu Frente Mudanca (P-FM). Photo: TTN/Hortencio Sanches

By: Fidelio RAMOS

THETIMORNEWS.com, DILI – Partidu Frenti Mudansa (P.FM) sei haforsa instituisaun Komisaun Anti Korrupsaun (KAK) hodi luta kontra kazu korrupsaun iha Timor-Leste, inklui sei tau matan ba kazu eis MInistra Finansa, Emilia Pires ba nia kazu.

“Bainhira hetan fiar sei  hare liu mos  ba lei anti  korupsaun hodi haforsa diak  liu tan instituisaun ne’e hodi kontrola diak liu tan ba ema ne’ebe komete ona  iha  kazu korupsaun ne’ebe maka akontese  iha Timor,” dehan Alma Cruzeiro, membru Komisaun Politika Nasional P.FM ba THETIMORNEWS iha sede P.FM, Vilaverde, Dili, Domingu (18/06/2017).

Relasiona ho problema ne’e, P.FM sei la autoriza nia membru ruma ne’ebe tuur iha kargu ezekutivu hodi kaer dupla sidadania. Nune’e bele evita ona kazu hanesan Emilia Pires nian ne’ebe dadauk ne’e la kopera ho justisa hodi “halai” ba Portugal.

Nia mos hateten, P.FM sei loke kampu traballu ba joventude sira wainhira povu tau fiar ba partidu ne’e kaer governu.

“Ohin loron juventude barak remata ona estudu  maibe lahetan nafatin servisu tanba ne’e hetan fiar duni husi povu sira prontu loke kampu traballu  para oinsa resposta   ba jovem sira  nia preokupasaun no fo mos bolsu estudu   ba jovem sira iha suku ida  kada tinan ida  hetan 15 pesoas,” dehan Alma.

Nia dehan kona ba setor ekonomia  ukun an tinan 15 ona  ita iha  kriatividade iha homan biti tali kohe bote ho kor oioin maibe to ohin loron zinzan maka nakonu hodi okupa ekonomia iha rai laran  nune’e hetan konfiansa sei hakbit no promove produtu lokal rai laran  ba  merkadu  nivel nasional to’o iha internasional hodi hatudu mos identidade timor nian hodi halo diferensia.

Iha parte seluk nia dehan, atu labele depende deit ba osan minarai maibe tenki investe ona setor turizmu nune’e vizitante estranjeitu mai vizita hodi  investe osan oha ita nia rai laran.

Relasiona ho programa hirak ne nia husu ba povu sira  atu labele hili sala hili partidu ne’ebe ho programa diak hodi  halo dezenvolvimentu ho halo mos mudansa ba rai ne’e nian ho diak maibe ida depende ba povu sira nia direitu karik hili FM sei implementaduni programa hirak ne’e.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here