Home nasional TR Anunsia Numeru Solteiru Kandidatura ParPol ba ElPar

TR Anunsia Numeru Solteiru Kandidatura ParPol ba ElPar

162
0
SHARE
Prezidenti Tribunal Rekursu, Deolindo dos Santos hakerek hela lista ba numeru sorteiu partidu politiku ne'ebe kompete iha Eleisaun parlamentar 20 Jullu 2017. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Tribunal Rekursu liu busi Prezidente Deolindo dos Santos, Kinta (15/06/2017) anunsia ona numeru solteiru ba kandidatura Partidu Politiku (Parpol) sira ba Eleisaun Parlamentar (ElPar) 2017.

Reprezentante Partidu Politiku sira ne’ebe kompete iha Eleisaun Parlamentar tuir hela prosesu sorteiu ba numeru ne’ebe sie tau iha buletin votos. Photo: TTN/Hortencio Sanches

Hamutuk iha Parpol 21 mak sei kompete iha ElPar, hosi sorteiu ne’ebe haIo, nia rezultadu mak 1. Bloku Unidade Popular (BUP), 2 Partidu Assosiasaun Popular Monarkia Timorense (APMT), 3 Klibur Haburas Unidade Timorense (KHUNTO), 4 Partidu Esperansa da Patria  (PEP), 5 Partido Sosialista Timor  (PST), 6 Partidu ba Dezenvolvimentu Popular (PDP), 7 Congresso Nacional Reconstrução de Timor – Leste  (CNRT), 8 Partidu Republikanu  (PR), 9 Uniao Demokratiku Timor  (UDT), 10  Partidu Demokratiku Cristao (PDC), 11 Partidu Movimentu Libertasaun Povu Maubere (MLPM), 12 Partidu Libertasaun Popular (PLP), 13 Partidu Demokratiku (PD), 14 Unidade Nasional Demokcratika da Rezistensia (UNDRTM), 15Partidu do Unidade Demokratiku  (PUDD), 16 Partidu Timorense Demokratiku (PTD), 17 Frente Mudansa, 18  Partidu Sosial Demokratika (PSD), 19 Partidu Centru Asaun Sosial Demokratika Timorense  (CASDT), 20 Partidu Dezenvolvimentu Nasional (PDN), 21 Frente Revolucionaria do Timor Leste Independensia  (FRETILIN).

Hafoin dada rifa, TR sei fo nafatin oportunidade ba ParPol sira atu halo konfirmasaun ba naran Partidu nian ne’ebe mak sala atu nune’e labele mosu konplikadu iha boletin votos.

Hafoin remata TR sei haruka lista kandidatura ParPol nian ba STAE no CNE atu halo ultima notifikasaun.

Diretor Jeral STAE. Acilino Manuel Branco. Photo: TTN/Hortencio Sanches

Iha fatin hanesan Diretor Jeral STAE Acilinio Manuel Branco hatete, prosesu kandidatura remata ona no hakarak ka lakoi loraik TR tenke halo notifikasaun ba STAE no CNE.

“Ohin kedas hau hanoim loraik hanesan ne’e TR tenke halo notifikasaun ona mai ami no CNE atu nune’e ita bele kontinua fali aktu seluk mak hanesan konfirmasaun ba modelu voletin de votus no naran partidu,” dehan Acilino Manuel Branco ba Jornalista sira hafoin remata solteiu ba lista kandidatura iha TR Caicoli Dili.

Nia hatutan aprovasaun ikus liu ba prpsesu hotu elisaun nian sei aprova husi CNE hafoin haruka ba Grafika Nasional atu produs voletin votus. Nia afirma tuir orariu STAE nian bainhira sira simu ona notifikasaun husi TR semana oin sei bolu Parpol hotu atu halo konfirmasaun diak liu ba prosesu hotu mais ou menus semana tolu nia laran.

Iha sorin seluk Sekretariu Jeral Klibur Haburas Unidade Nasional Timorense (KHUNTO), Jose Agustino da Silva hatete, sira nia parte sente kontente tebes ho numeru sorteiu ne’ebe mak anunsia husi TR tanba numeru KHUNTO nian monu los iha numeru ne’ebe fasil atu votante sira hare atu hili.

“Ami haksolok ho numeru sorteiu ba lista kandidatura voletin votus ELPar ho numeru ne’ebe mak fasil tebes atu votantes sira hili tanba liu nomor 3 deit,” dehan Sekjer KHUNTO ne’e.

Tuir nia, Preparasaun KHUNTO nian ba ElPar laiha ona duvidas tanba sira nia parte prontu atu kompete no optimista sei ultrapasa 4% iha Parlamentu Nasional.

“Baze KHUNTO nian metin tebes ne’e duni ami optimista katak sei ultrapasa pursentu ne’ebe mak foin lalais PN fo sai,” dehan nia.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here