Home nasional PNTL Garante Seguransa ba ElPar 2017

PNTL Garante Seguransa ba ElPar 2017

107
0
SHARE
PNTL prontu ona fo segurasa ba povu Timor-Leste hdi partisipa iha festa demokrasia parlamentar nian ne'e. Photo: PNTL

By: Hortencio Sanches

THETIMOR-NEWS.com, DILI – ” Ita PNTL nia misaun atu asegura segurnsa ba Kampaina Partidus Politika (ParPol) no Elisaun Parlamentar (ElPar) klaru ona ne’e duni komandu operasaun hotu tenke iha responsabilidade atu halao planu sira ho diak,” Komandante Jeral PNTL, Komisariu Julio Hornai hato lia hirak ne’e iha nia deskursu ba membru PNTL sira ne’ebe atu aloka ba Munisipiu atu asegura seguransa kampana ParPol no ElPar, iha kampo Kuartel Jeral Caicoli Dili, Sesta (15/06/2017).

Komisariu Julio Hornai afirma, PNTL agora daudaun preparadu atu asegura seguransa no halo atuasaun ba konflitus ne’ebe mosu iha tempu kampaina no Elpar.

Iha biban ne’e nia husu mos ba komandate operasaun ida-idak atu kontrola membrus sira hotu atu halo seguransa ho diak tanba elisaun ne’ebe mak halao importante tebes ba Timor – Leste.

“Komandante hotu tenke kontrola nia membru sira ho diak atu fo seguransa, tanba elisaun ida ne’e importante tebes ba ita Timoroan hotu atu hili ita nia maluk sira ne’ebe matenek hodi reprezenta povu Timor hotu atu ba tur iha Uma fukun Parlamentu Nasional no Governasaum durante tinan lia (5) atu dezenvolve nasaun ne’e ba oin,” dehan Komisariu Julio Hornai.

Nia akresenta, maske dezafiu barak mak PNTL hasoru iha terenu, maibe ida ne’e laos sai obstakulu ba misaun PNTL nian atu asegura seguransa.

“Mai ita hotu hamutuk atu hatudu ba mundu katak, ita PNTL foin eziste tinan 17 maibe, ita mos prontu atu halao misaun importante ida ne’e maske iha dezafius barak mai ita hasoru maibe ida ne’e laos obstakulu,” dehan Komisariu Julio.

Durante elisaun dala 3 ne’ebe liu ona Timor – Leste iha apoiu masimu husi Organizasaun Nasoes Unidas (ONU).

“Iha elisaun Tolu liu ne’ebe apoiu husi ONU ne’e mos ita mak iha oin sira husi kotuk atu apoiu deit, maibe ohin ita mesak mak halao hau fiar katak sei sai diak liu tan ho ita hotu nia kolaborasaun,” dehan ema numeru ida iha PNTL.

Editóra: Agidda DOS SANTOS I COPYRIGHT@2017

LEAVE A REPLY

Please enter your comment!
Please enter your name here