Home dezenvolvimentu CNRT Promete Tau Matan ba Agrikultura no Turismu ba Seloi Kraik

CNRT Promete Tau Matan ba Agrikultura no Turismu ba Seloi Kraik

196
0
SHARE
Sekretariu Jeral Partidu CNRT, Francisco Kalbuadi Lay (kamiza kinur) wainhira halo konsolidasuan iha Seloi Kraik, Munisipiu Aileu, Domingu (11/06/2017). Photo: TTN/Hortencio Sanches

By: Hortencio SANCHES

THETIMOR-NEWS.com, Aileu – Partidu Conggresso Nacional de Recontrução de Timor-Leste (CNRT) liu hosi nia lideransa Sekretariu Jeral, Francisco Kalbuadi Lay promote sei tau matan ba setor agrikultura no turismu ba Povu Aileu, espesialmente iha Suku Seloi Kraik, Postu Administrativu Aileu, Munisipiu Aileu.

Komunidade Seloi Kraik, Munisipiu Aileu wainhira simu Sekretariu Jeral Partidu CNRT, Francisco Kalbuadi Lay ho nia delegasaun iha konsolidasaun partidu ne’ebe halao iha Domingu (11/06/2017). Photo: TTN/Hortencio Sanches

Sekretariu Jeral CNRT ne’e promesa ba militante CNRT no komunidade Seloi Kraik iha konsolidasaun Partidu CNRT nian iha Suku Seloi Kraik hodi simu mos afiliasaun hosi eis koordenador Partidu ASDT Munisipiu Aileu ho nia militante sira, inklui mos hosi partidu balun ne’ebe desidi mos halo afiliasaun ba partidu CNRT.

“CNRT manan maioria, CNRT sei tau matan ba agrikultura no turismu ba imi iha Seloi Kraik,” dehan Kalbuadi iha nia intervensaun politika, Domingu (11/06/2017), iha Seloi Kraik, Munisipiu Aileu.

Atual Ministru Turismu, Aerte no Kultura ne’e mos promote hamutuk ho CNRT iha lideransa Kay Rala Xanana Gusmão nudar prezidenti partidu sei kontinua mos hadia povu nia moris.

“Hau fiar imi hotu CNRT tenke manan maioria iha munisipiu Aileu atu nune’e ita bele hetan kadaeira maioria iha PN atun ita bele ukun mesak iha governu atu bele hadia povu nia moris,” dehan Kalbuadi.

Maski iha Eleisaun Parlamentar tinan 2012, Partidu CNRT manan ona maioria ho 53%, maibe iha tinan 2017, CNRT hakarak manan liu 63%.

Iha konsolidasaun, hola prezensa mos Xefi Bankada CNRT iah Parlamentu Nasional, Natalino dos Santos ho deputadu Domingos ne’ebe reprezenta Munisipiu Aileu kontinua husu ba povu AIleu atu fo nia fiar ba partidu CNRT hodi nune’e CNRT bele ukun mesak iha governu ne’ebe sei lidera hosi Kay Rala Xanana Gusmão.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here