Home nasional TDD Absolve Alegasaun MP, Oki no Lourenço Livre

TDD Absolve Alegasaun MP, Oki no Lourenço Livre

139
0
SHARE
Jornalista Timor Post, Raimundo Oki koalia ho jornalista isra hafoin TDD fo livre ba nia kazu. Photo: Fun Page Facebook Raimundo Oki

THETIMOR-NEWS.com, DILI – Alegasaun Ministeriu Publiku (MP) liu hosi Prokuradoria Ditrital Dili, Lidia Soares ne’ebe alega jornalista Timor Post, Raimundos Oki no eis Diretor Timor Post, Lourenço Vicente Martins iha dezisaun final Tribunal Distrital Dili (TDD) absolve tiha.

“Akuzasaun Minesteriu Publiku la priense element krime tuir artigu 258 kodigu penal. No lezaju rasik laiha provas kona ba dokumentus ne’ebe los. Tanba ne’e, tribunal deside absolve,” dehan Juiz Ivan Patrocino Antonino wainhira le letura sentesa ba kazu Oki ho Lourenço iha dezisaun final ne’ebe halao iha Tribunal Distrital Dili, Kinta (01/06/2017).

Maski absolve ona sira nia kazu, Juiz Ivan Patrocino Antonino fo hanoin nafatin ba sira nain rua bele halo fali atividade bai-bain (jurnalistik), maibe tenki kuidadu bainhira atu publika notisias ruma.

Iha fatin hanesan Jornalista Raimundos Oki hatete, sente kontente tebes ho dezisaun final tribunal nian no sei kuidadu an liu tan wainhira hakerek tan notisias sensitivu.

“Hau hanoin kazu hau nian ne’e sai referensia ba jornalista hotu, inklui hau atu ita kuidadu liu tan wainhira hakereke notisias sensitivu, no husu mos ba editor atu kuidadu hotu wainhira notisias ne’ebe jornalista hakerek seidauk kompletu bele pendent lai,” komentar Oki ba jornalista sira.

Oki mos husu ba  orgaun soberanu sira, liu-liu Ministeriu Publiku wainhira akuza jornalista sira karik tenke uza lei komunikasaun sosial ne’ebe mak estabelese tiha ona.

“Labele lori fali lei kodiku penal hodi akuza jornalista, tanba jornalista ne’e laos kriminozu,” dehan Oki.

Lia hanesan mos hato’o hosi Prezidenti Timor-Leste Press Union (TLPU), Francisco Belo Simoes nudar mos membru Konsellu Imprensa ne’ebe husu ba publiku ne’ebe sente dirugikan ho notisias ruma, diak liu rezolve tuir Lei Komunikasaun Sosial.

“Ita iha ona lei komunikasaun social, se-se mak iha problema publikasaun notisias ruma diak liu rezolve tuir lei ne’ebe iha, nune’e mos prezensa Konsellu Imprensa ne’ebe governu kria ne’e mos meius ida atu fasilita ba problema hirak ne’ebe relasiona ho produtu jurnalistiku nian,” dehan Francisco Belo Simoes.

PM Rui lori Raimundo Oki no Lourenco ba tribunal relasiona ho notisias ne’ebe publika iha Timor Post ne’ebe tuir nia parte notisias ne’e la tuir faktus no konsidera demafa nia hodi prezudika nia naran diak iha publiku. Notisias nian titlu ne’e mak “Deskonfia Eis Assesor MF “Fo Projetu” ba Kompaina Indonezia” ne’ebe publika iha 10 Novembru 2015, iha pajina 14.

Iha tribunal, Ministeriu Publiku reprezenta hosi Prokuradora Lidia Soares kondena Raimundo Oki tinan ida kadeia no Lourenco Vicente Martins hetan suspensaun tinan 2.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here