Home Uncategorized Kandidatu Sarjentu PNTL Nain 114 sei Halo Estajiadu

Kandidatu Sarjentu PNTL Nain 114 sei Halo Estajiadu

64
0
SHARE

By: Fidelio RAMOS

THETIMORNEWS.com, DILI – Hafoin tuir formasaun durante fulan nen (6), iha 9 Junu kandidatu sarjentu nain 114 hosi Polisia Nasional Timor-Leste (PNTL), sei hahu estajiariu iha munisipiu hotu hodi prova sira nia formasaun merese ka lae simu titlu sarjentu.

Komandante Sentru Formasaun Policia (SFP), Arquimino Ramos  informa, membru hirak ne’ebe mai tuir formasaun sarjentu mai husi seksaun Unidade Policia Tranzitu, Unidade Policia Espesial (UEP), Unidade Policia Fronteira (UPF), Unidade Policia Maritima (UPM) no balun mai husi  Kuartel Jeral PNTL, inklui membru SFP balun.

“Iha formasaun ne’e materia neebe fo mak hanesan tekniku profisional polisia nian, juridiku, no lingua Ingels ho Portugues, inklui komputador,” dehan Arquimino ba Jornalista sira iha Sentru Formasaun Policia akademia Tersa  (30/05/2017).

Alende simu material, membru hirak ne’e mos rona palestra hosi Prokurador Geral Republika (PGR), Ministerio Publik (MP), Tribunal Rekursu (TR), Policia Servisu Investigasaun Kriminal (PSIK) no  Alfandega, atu nune’e fo mos hanoin ba malu hodi kordena servisu hamutuk diak liu tan ho intituisaun hirak ne’e.

”Depois estajiariu fulan rua, mak sira bele hetan graduasaun,” dehan Arquimino.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here