Home nasional Kazu Oki, Jornalista TL HaloAsaun Silensiu Hasoru PM Rui

Kazu Oki, Jornalista TL HaloAsaun Silensiu Hasoru PM Rui

213
0
SHARE
Jornalista sira kaer banner hodi labele kriminaliza jornalista nudar asaun solidaridade ba jornalista Timor Post, Raimundo Oki ne'ebe Ministeriu Publiku kondena tinan 1 kadeia ba kazu kontra PM Rui Maria de Araujo. Asaun Silensiu ne'e halao iha Palacio do Govenro oin, Segunda (29/05/2017). Photo: TTN/Hortencio Sanches

By: Fidelio RAMOS & Hortencio SANCHES

THETIMOR-NEWS.com, DILI – Jornalista Timor-Leste sira ne’ebe hamahon an iha organizasaun Assosiasaun Jornalista Timor-Leste (AJTL) no Timor-Leste Press Union (TLPU) halo asaun silensiu hasoru Primeiru Ministru (PM) Rui Maria de Araujo ba nia kazu ne’ebe lori jornalista Timor Post, Raimundo Oki ho Lourenco Vicente Martins (eis director Timor Post) Ba tribunal.

Jornalista sira kaer banner hodi labele kriminaliza jornalista nudar asaun solidaridade ba jornalista Timor Post, Raimundo Oki ne’ebe Ministeriu Publiku kondena tinan 1 kadeia ba kazu kontra PM Rui Maria de Araujo. Asaun Silensiu ne’e halao iha Palacio do Govenro oin, Segunda (29/05/2017). Photo: TTN/Hortencio Sanches

PM Rui lori Raimundo Oki no Lourenco ba tribunal relasiona ho notisias ne’ebe publika iha Timor Post ne’ebe tuir nia parte notisias ne’e la tuir faktus no konsidera demafa nia hodi prezudika nia naran diak iha publiku. Notisias nian titlu ne’e mak “Deskonfia Eis Assesor MF “Fo Projetu” ba Kompaina Indonezia” ne’ebe publika iha 10 Novembru 2015, iha pajina 14.

Iha tribunal, Ministeriu Publiku kondena Raimundo Oki tinan ida kadeia no Lourenco Vicente Martins hetan suspensaun tinan 2.

Asaun silensiu ne’e hahu konsentra iha edifisiu Timor Post iha Mandarin hodi lao ain to’o iha Palacio do Governu oin nudar fatin silensiu nina hodi espresa jornalista nia lamentasaun ba kazu ne’e. Asaun ne’e halo ho sunu lilin no karii aifunan.

Advogado IFJ, Jim Nolan ne’ebe esforsu mos atu husu ba PM Rui Maria de Araujo dada nia kazu hasoru Jornalista Timor Post Raimundo Oki no Lourenco Vicente Martins, eis Diretor Jeral Timor Post ne’ebe PM Rui Maria de Araujo lori sira ba tribunal tamba kazu defamasaun. Photo: TTN/Hortencio Sanches

Advogadu Internacional Federation of Journalist (IFJ), Jim Nolan hatete kazu ne’ebe mak PM Rui Maria de Araujo ho Timor Post hodi kondena jornalista Raimundos Oki ho lei kodiku Penal ne’e hanesan imajen ida la diak ba mundu internasional nia matan.

Nudar mos advogadu ba kazu Raimundos Oki, nian hatete, sekuandu Oki tama duni komarka mak nasaun Timor – Leste laiha ona liberdade Imprensa no demokrasia.

“Dezisaun ne’ebe mak Primeitu Ministru halo ba Jornalista Oki ne’e buat ida ne’ebe mak lalos tanba hamate ona lei Timor nian no liberdade Imprensa,” dehan Jim ba jornalista sira, Segunda (29/05/2017), iha Palacio do Governu oin, Dili.

Jim afirma, sekuandu Jornalista Oki tama duni komarka Demokrasia iha Timor – Leste mate ona lei komunikasaun Sosial ne’ebe mak hari’i mos la vale ona.

“Antes atu rona dezisaun husi Tribunal ami mos sei hasoru malu ho PM Rui atu kalia kona ba kazu ne’e, ami laos hasoru PM deit, maibe ami mos sei hasoru malu ho lider Politiku sira hotu atu koalia sobre kazu ne’e,” dehan Jim.

Jornalista sira hatudu suratahan ne’ebe hakerek labele kriminaliza jornalista nudar asaun solidaridade ba jornalista Timor Post, Raimundo Oki ne’ebe Ministeriu Publiku kondena tinan 1 kadeia ba kazu kontra PM Rui Maria de Araujo. Asaun Silensiu ne’e halao iha Palacio do Govenro oin, Segunda (29/05/2017). Photo: TTN/Hortencio Sanches

Bainhira sira hasoru malu ho lider politiku hotu iha Timor-Leste,  sira sei koalia no fo hanoin mos ba lider sira atu labele hamate liberdade Imprensa iha nasaun Demokratiku ne’e.

Realsiona ho nia kazu, Raimundos Oki lamenta ho lei ne’ebe mak Ministeriu Publiku uza hodi akuza nia, nia husu atu uza Lei Komunilasaun Sosial ne’ebe mak vigora ona iha Timor – Leste atu akuja nia.

Oki afirma se bainhira lori lei kodiku Penal hodi akuja Jornalista ba nia ne’e lalos tanba jornalista laos kriminozu.

“Ita nia hakarak mak tenke lori lei komunikasain sosial mak akuja jornalista, laos lori fali lei kodiku penal akuja fali jornalista, se lori lei kodiku penal akuja jornalista kecuali jornalista ne’e oho ema,” dehan Raimundos Oki.

Relasiona ho nia kazu ne’ebe mak agora daudaun iha Tribunal hein hela desijaun final iha 1 Junu agora nia husu ba jornalista Timoroan hotu atu lalika tauk no lalika hakfodak nafatin lao ba oin maibe tenke kuidadu.

“Ita jornalista hotu labele tauk maibe tenke koidadu antes atu publika sai notisia ruma, kona ba kazu ida ne’ebe mak agora daudaun iha, ita iha dokumentus kompletu mak ita deskonfia, maibe los liman mamuk,” dehan Oki.

Diretor Peskijador La’o Hamutuk Juvinal Dias ne’ebe hola parte mos iha asaun silensiu ne’e hatete, Governo labele uza forsa estadu nian hodi hamate liberdade Jornalista sira nian iha Timor Leste.

Nia afirma, jornalista iha papel importante tebes tamba foti prosesu libertasaun tomak iha nasaun demokratiku ida ne’e, tanba ne’e lider sira ameasa jornalista sira labele hetan informasaun entaun bele fo mos impaktu ba komunidade sira mos sei la asesu informasaun, ho nune’e intituisaun governu labele uza forsa estadu nian hodi hamate liberdade jornalista.

“Tuir ami nia opiniaun tenki dada nia kazu ne’e husi tribunal tamba nia iha mos papel importante hodi asegura demokrasia tan ne’e Primeiru Ministru tenki fo ezemplu diak ba instituisaun hotu no komunidade oinsa atu proteje direitu demokrasia nian, no laos atu lori forsa estadu hamate liberdade,” dehan Juvinal Dias.

Se kuando sevisu Jornalista mak hetan duni ameasadu  ne’e signfika  violasaun konstituisional,  se povu laiha direitu mos  atu asesu informasaun ne’e fasil ba  ukun nain sira  utiliza sira nia poder  halo korupsaun hodi prezerva sira nia poder,  ho situsaun sira hansa  ne’e,  entidade tomak  tenki hamrik hodi fo protesaun ba jornalista sira nia direitu.

Kazu Oki tuir lolos atu sala ka los  tenki  iha investigasaun profundo  husi Comisaun Anti Korupsaun (CAC) molok verifika no tribunal tenki loke  espasu ba investigasaun ba ketaun ne’e los ka lae kazu ne’ebe akontese.

Tuir lolos governo tenki dada kazu ne’e sai  husi tribunal hodi entrenga ba Konsellu Imprensa (KI)  ne’e iha poder legal hodi halo  prosesu investigasaun  ka prosesu internal karik Oki kontra  kodigo etika jornalista nian entaun entrega ba iha (KI) laos lori ba Ministeiru Pubik (MP).

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here