Home desportu M.Nico Lori Lalenok Promosaun ba Segunda Divisaun LFA

M.Nico Lori Lalenok Promosaun ba Segunda Divisaun LFA

165
0
SHARE
Vitoria ne'ebe FC.Lalenok hetan hasoru Estudante Fitun Lorosa'e lori klubu refere promosaun ba segunda divisaun LFA. Photo: Valentino Dariel

By: Hortencio SANCHES

THETIMOR-NEWS.com, DILI – Eis treinador klubu Liga Futebol Amadora (LFA), FC. AItana, Mohammad Nico fila hikas ba kampu LFA, hafoin susesu lori klubu promosaun FC. Lalenok ba Segunda Divisaun ba epoka 2018.

Iha jogu meias finais (semi-final), Lalenok konsege halakon klubu Estudante Fitun Lorosa’e 1-0, klubu ne’ebe uluk mos treina hosi Mohammad Nico.

“Vitoria ne’ebe ohin ami hetan, ne’e tamba planu ona. Ami kompete iha ne’e tamba ambisaun ida deit, promosaun ba segunda divisaun,” dehan Mohammad Nico ba thetimornews, Domingu (28/05/2017), iha Estadiu Municipal Dili.

Golu vitoria Lalenok nian hatama hosi Iman Hoalbardo numeru kamijola 11 iha minutu 22.

Maski lakon hosi Lalenok FC, Estudante Fitun Lorosa’e kontinua iha oportunidade hodi promove ba segunda divisuan iha billeti ikus nian ne’ebe sei hadau kontra FC. Tokodede iha jogu ne’ebe sei realiza iha 31 Maiu 2017.

“Ami sei esforsu nafatin hodi hakat ba segunda divisaun,” komentar Jaco de Conceicao, official Fitun Estudante Lorosae ba jornalista sira.

Klubu 12 ne’ebe mak kompete ona iha Jogu promosaun ne’e hanesan, FC Liquiça, FC Lero, AS Lero, Uniao Tokodede, Lalenok United, FC Leopa, Emanuel, Fitun Estudante, LA Matebian, Karau Fuik no AIMO.

Jogu ne’e hahu dirije husi arbitu Jaime Goncalves juis da lina Joanico Gama no Pedro Carvalho konsege fo kartaun kinur ba jogador Lalenok United, Iman Hoalbardo iha minutu 78, Fitun Estudante Joel Fernandes numeru kamijola 6 minutu 20 no Antonio Gomes  numeru kamijola 4 minutu 45.

SKUAD Fitun Estudante: Domingos Gama, Joel Fernandes, Anastacio Cabral, Joel Belo, Alito da Cruz, Antonio Gomes, Estefanio Freitas, Sabino Pereira, Verissimo Ximenes, Acoli Maya, Mario Guterres. SULPENTE: Custodio Camra Rivaldo Nagalo,Nelson Silva, Alivio Freitas, Julino Gama, Jose de Jesus. Hermelo Consecao.

SKUAD Lalenok United: Fortunato Gomes, Elias Ximenes, Elias Sanches, Tomas Conceicao, Florencio Pereira, Frnasisco da Costa, Gaspar Amaral, Helder Valente, Iman Hoalbardo, Mateus Silva, Andian Luci. SUPLENTE: Wahiu Maleki, Floriano  Savio, larico da Costa, Fransisco Reis, Molses, Mariano Aparicio, Romano Pinto.

Editóra: Agida DOS SANTOS I COPYRIGHT@2017 

LEAVE A REPLY

Please enter your comment!
Please enter your name here