Home internasional Uniforma Servisu Investigasaun, PNTL Realiza Konferensia Investigasaun Kriminal

Uniforma Servisu Investigasaun, PNTL Realiza Konferensia Investigasaun Kriminal

282
0
SHARE
Konferensia Investigasaun Kriminal ne'ebe PNTL halo servisu hamutuk ho Embaixada Estadu Unidos Amerikanu (EUA) no Australai ne'ebe halao iha Hotel Garden Beach Pantai Kelapa durante loron rua (25-26 Maiu 2017. Photo: TTN/Fidelio Sanches

By: Fidelio RAMOS

THETIMORNEWS.com, DILI – Atu kria servisu hamutuk ne’ebe diak no uniforma iha Sistema invetigasaun nian entre Policia Nasional Timor- Leste (PNTL) ho Ministeriu Publiku, PNTL servisu hamutuk ho Embaixada Estadu Unidos Amerikanu (EUA) ho programa apoiu Australia nian hanaran Programa Dezenvolvimentu Polisia Timor-Leste (TLPDP)  realiza  konferensia  Investigasaun Kriminal hodi uniforma justisa no aplikasaun lei iha Timor-Leste durante loron  rua hahu 25-26 Maiu 2017.

Embaixadora EUA, Karen Stanton wainhira hato’o intervensaun iha iha Konferensia Investigasaun Kriminal ne’ebe PNTL halo servisu hamutuk ho Embaixada Estadu Unidos Amerikanu (EUA) no Australia ne’ebe halao iha Hotel Garden Beach Pantai Kelapa durante loron rua (25-26 Maiu 2017. Photo: TTN/Fidelio Sanches

Komandante Jeral PNTL, Komisariu Julio Hornay esplika, konferensia inetigador ne’e nudar konferensia dala lima ne’ebe PNTL halao ho nia parseiru sira.

Komandante Servisu Investigasaun Kriminal PNTL, Superintendente Xefe Jorge Monteiro informa, konferensia realiza ne’e  atu kria metodu ka mekanizmu ida hodi bele kria servisu hamutuk ho Prokurasor Geral Republika (PGR) nune’e bele uniformiza sistema investigasaun PNTL no  Policia Servisu Invegasaun Kriminal (SIK) no Ministerio Publik (MP) ne’ebe tutela ba prosesu krimi nian.

“Objetivu husi konferensia ne’e mos atu halo mos diskusaun ida klean para identifika mos problema ka difikuldade ne’ebe servisu  invetigador  krimi sira hasoru iha 13 munisipiu ne’ebe diferenti atu nune’e liu husi konferensia ne’e atu buka nia solusaun  alternative,” dehan Jorge Monteiro ba Jornalista sira iha Hotel Beach Garden, Pantai Kelapa-Dili, Kinta (25/05/2017).

Komandante Servisu Investigasaun Kriminal PNTL, Superintendente Xefe Jorge Monteiro. Photo: TTN/Fidelio Ramos

Alende Xefi PSIK PNTL iha munisipiu 13, konferensia ne’e mos partisiap hosi Polisia Imigrasaun no parte PGR Baucau, Suai no Oecusse.

Nune’e mos nia orador alende hosi PNTL no MP, iha mos orador internasional hosi Australia no EUA hodi fahe esperesia servisu investigasaun nian ne’ebe ho kualidade.

“Orador husi Australia no Estadus Unidu nian sei kolia liu mos kona terorista ka Bomba, Krimi nasional, no lavajem de dinheiro, tamba orador refere iha esperesia diak kona ba problema hirak ne’e,” dehan komandante ne’e.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here