Home internasional Stanton: TL Bele Aprende Esperensia Servisu FBI Nian

Stanton: TL Bele Aprende Esperensia Servisu FBI Nian

369
0
SHARE
Embaixadora EUA, Karen Stanton wainhira hato'o intervensaun iha iha Konferensia Investigasaun Kriminal ne'ebe PNTL halo servisu hamutuk ho Embaixada Estadu Unidos Amerikanu (EUA) no Australia ne'ebe halao iha Hotel Garden Beach Pantai Kelapa durante loron rua (25-26 Maiu 2017. Photo: TTN/Fidelio Sanches

By: Fidelio RAMOS

THETIMOR-NEWS.com, Dili – Prezensa orador hosi Federal Bureau Investigation (FBI) Estadu Unidos Amerikanu (EUA) iha konferensia investigasaun criminal, tuir Embaixadora EUA ba Timor-Leste, Karen Staton, Timor-Leste bele aprende hosi servisu ne’ebe FBI halo nune’e bele aplika mos iha Timor-Leste.

Embaixadora EUA, Karen Staton foto hamutuk ho Komandante Jeral PNTL, Komisariu Julio Hornay no partisipaipante iha Konferensia Investigasaun Kriminal ne’ebe PNTL halo servisu hamutuk ho Embaixada Estadu Unidos Amerikanu (EUA) no Australia ne’ebe halao iha Hotel Garden Beach Pantai Kelapa durante loron rua (25-26 Maiu 2017). Photo: TTN/Fidelio Sanches

“Ita-boot sira sei rona orsida iha Konferénsia ida ne’e husi ajente FBI ida ne’ebé ninia esperiénsia iha investigasaun ba atentadu terrorista iha Boston iha tinan (rihun rua sanulu resin tolu) 2013 sai ezemplu ba kooperasaun hanesan ne’e,” dehan Karen Staton iha konferensia ne’e liu hosi deskursu ne’ebe nia hato’o, Kinta (25/05/2017).

Nia mos espera, liu hosi konferensia ne’e bele fo benefisiu ba partisipipante sira, liliu instituisaun Polisia Nasional Timor-Leste (PNTL) ho nia unidade servisu sira, no mos Prokuradoria Jeral Republika (PGR) ho Ministeriu Publiku (MP).

“Sempre iha buat barak liu tan maka bele halo tanba ne’e ha’u aplaude  ita-boot sira nia esforsu sira hodi hadi’ak liu tan imi nia profisionalismu atu fó benefisiu ba sidadaun Timor-Leste hotu-hotu,” dehan embaixadora EUA ne’e.

Nudar reprezentante Governu EUA iha Timor-Leste, nia mos senti satisfeita tanba Estadus Unidus bele hamutuk ho governus Timor-Leste no Austrália hodi apoia eventu importante ida ne’e.

“Hahú husi tinan (rihun rua sia) 2009 ami nia Embaixada liu husi programa Konselleiru Jurídiku Rezidente  nian, kolabora ona ho setór sira justisa no aplikasaun lei iha Timor-Leste ho objetivu komum halo estadu direitu sai realidade ba sidadaun Timor-oan tomak,” nia dehan.

Nia hatutan, dala barak liu maka partisipante xave sira iha aplikasaun lei nian okupadu liu deit ba koko atu kumpri ezijénsia konstante husi sira nia servisu.

“Konferénsia ida ne’e fornese oportunidade ida ba imi atu pára no refleta, fahe hanoin ba malun entre imi no husu “oinsá maka ita bele hadi’ak liu tan ita nia efetividade?” “Oinsá ita bele hadi’ak liu tan ita nia efisiénsia?” Importante tebes atu iha kooperasaun metin entre intervenientes oin-oin iha ita-boot sira nia setór justisa, liu-liu kona-ba krime kompleksu sira,” dehan Stanton.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here