Home edukasaun LAMETA “DOKUMENTUS MORIS” Luta Libertasaun TL iha EUA

LAMETA “DOKUMENTUS MORIS” Luta Libertasaun TL iha EUA

218
0
SHARE
Joao Crisostomo, sidadaun Portuguesa ne'ebe mos kontribui ba luta libertasaun Timor-Leste iha EUA liu hosi assaun ne'ebe nia halo ho malk estranjeiru balun, Kinta (25/07/2017), lansa no entrega Livru LAMETA, organizasaun ne'ebe nia halo ba luta libertasaun TL nian ba governu TL hodi tau iha Muzeu Resistensia Dili. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Resistensia Timor-Leste (TL) hodi hetan nia ukun rasik an bele hateten laos deit halo iha rai laran, maibe luta libertasaun ne’e halo mos iha rai liur, inklui iha Estadu Unidos Amerika (EUA) ne’ebe lidera hosi João Crisostomo ne’ebe hafalun istoria luta libertasaun TL nian ne’e iha Livru LAMETA nudar “dokumentasaun moris” iha rai liur.

PM Rui Maria de Araujo wainhira partisipa lansamentu Livru LAMETA, organizasaun luta ba libertasaun TL iha EUA ne’ebe diriji hosi sidadaun Portugues, Joao Crisostomo. Photo: TTN/Hortencio Sanches

Livru LAMETA ne’e nia kontiudu kona ba publikasaun ba asaun LAMETA ne’ebe lidera hosi João Crisostomo iha EUA hamutuk ho maluk estranjeiru seluk hodi hamutuk iha movimentu ida deit ne’ebe hanaran Movimentu Luso-Amerikanu ba autodeterminasaun de Timor-Leste.

” Joao Crisóstomo nia lidera organizasaun ida iha Estadus Unidos  Amerika naran LAMETA, sira ne’e uluk kedas servisu ba kauja Timor nian iha tinan 1990 mai leten, tinan uluk bainhira hau ba Nasoes Unidas iha enkontru servisu ida nia hatudu servisu hirak ne’e hotu ne’e mak hau sujere ba nia esperiensia hirak ne’e hotu tenke hakerek iha livru ida nia mos konkorda entaun iha tinan ida ne’e nia hakerek duni no agora daudaun lansa,” dehan PM Rui ba jornalista sira hafoin lansa livru LAMETA, Kinta (25/05/2017), iha Muzeun Rezistensia, Dili.

Livru LAMETA, esplika PM Rui, sei tau iha Muzeu Resistensia atu sai hanesan arkivu resistensia nian nune’e ema hotu bele hatene kona ba luta libertasaun TL nian iha rai liur.

“Ita fiar katak ho sira nia servisu hirak ne’e hotu halo riku liu tan ita nia konesimentu konaba kontribuisaun ne’ebe ema iha mundu tomak halo atu ohin loron ita nia rain sai independensia,” dehan PM Rui.

Hol aprezensa mos iha lansamentu livru LAMETA ne’e Premiadu Nobel da Pas, José Ramos Horta, Ministro Komersiu Industria  Ambiente (MKIA) Constancio Pint, reprezentante korpu diplomatiku no sle-sleuk tan.

Iha fatin hanesan Premiadu Nobel da Pas no eis Prezidente Republika Timor – Leste Jose Ramos Horta hatete, nia konese momos Joao Crisostomo no ema tomak ne’ebe hela iha EUA ne’ebe fo  kontribuisaun ba luta libertasaun TL nian durante ne’e.

“Ema sira ne’ebe uluk fo kontribuisaun ba ita nia luta libertasaun iha internasional hau hatene mos, ne’eduni ho lansamentu livru ne’e hanesan relatori ida atu nue’e povu Timor -Leste sira bele hatene no rekoinese komunidade internasional sira nia kontribui luta durante ne’e iha rai liur,” dehan Ramos Horta.

Eis Xefe estadu ne’e esplika, Joao Crisostomo sidadaun Portugesa maibe tinan barak hela iha EUA desde tinan 1990.

Joao Crisostomo moris iha Torres Vedras, Portugal. Alende fo apoiu mos ba luta libertasaun TL nian, nia mos kontribui ba luta libertasaun rai seluk nian hanesan

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here