Home nasional Governu Halo Inkontru Dahuluk ho PR  Lu-Olo

Governu Halo Inkontru Dahuluk ho PR  Lu-Olo

210
0
SHARE
PR Francisco Guterres Lu-Olo ho PM Rui Maria de Araujo wainhira hasoru malu depois PR Lu-Olo eleita ba PR. Photo: goole.com

By: Hortencio SANCHES

THETIMOR-NEWS.com, DILI – Primieiru MinistruRui Maria de Araujo hamutuk ho Minstru Kordenador Asuntu  Ekonomia no Ministru Agrikultura Estanislau  Alexo da Silva, Ministru Kordenador  Asuntu  Edukasaun Antonio da Conceção no Ministru Presidensia Konsellu Ministru, Agio Pereira, ba dahuluk halo inkontru ho Prezidenti Republika (PR) Francisco Guterres Lu-Olo, Kinta (25/05/2017), iha Palasiu Prezidensial Aitarak Laran, Dili.

PM Rui Maria de Araujo akompana ho ministru estadu sira hasoru malu ho PR Lu-Olo hodi koalia kona ba progressu governu nian. Photo: Dok GPR

PM Rui Maria Araujo hateten, objetivu inkontru ne’e hanesan atividade rutina governu nian hodi hasoru malu ho PR hodi koalia no relata ba progressu servisu governu nian.

“Ohin Governu mai hasoru malu ho Prezidente da Republika atu Felisita ba kargu no hato’o mos  servisu ne’ebe mak durante governu halao ona, hanesan ohin hau mai ho  ministru koordenador  rua  atu  hato’o mos  servisu ne’ebe mak sira halo  durante ne’e iha sira  nia area,” dehan PM Rui ba Jornalista sira hafoin inkontru.

PM Rui Esplika, iha enkontru ne’e informa ba PR  kona ba kestoens espesiafikus balun hanesan reforma lejislativa no reforma ekonomika ne’ebe  prepara atu halo diversifikasaun iha Timor – Leste.

“Informasaun ne’ebe mak Governu hato, Prezidente manifesta no apresia  ba servisu governu nian halo ona durante ne’e,” dehan PM Rui.

PM Rui Maria de Araujo ho PR Lu-Olo. Photo: Dok GPR

PM Rui akresenta tan, iha enkontru refere, koalia mos kona ba limitasaun fronteiras  Maritima ninian ne’ebe mak Australia no Timor – Leste halao hela.

“Iha asuntu delimitasaun Fronteira Maritima nian mak ami koalia naruk uitoan kona ba inkontru sira ne’ebe  parte rua halao ona Australia no Timor – Leste hamutuk ho komisaun konsiliasaun ne’ebe tuir mai sei halao iha Jullu nia laran,” dehan Xefe Governu ne’e.

Relasiona ho Limitasaun Fronteira Maritima Timor –leste no Australia nian sei fo konfiansa tomak ba iha Governu liu-liu Negosiador Prinsipal Ministru Planeamentu Investimentu Estratejiku (MPIE) Kay Rala Xanana Gusmao no Agente Prinsipal Presidensia Konsellu Ministru Agio Pereira atu hare’e ba prosesu negosiasaun hodi rezolve ne’e.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here