Home dezenvolvimentu Kontrola Utilizasaun Facebook, Governu Servisu Hamutuk Operador 3

Kontrola Utilizasaun Facebook, Governu Servisu Hamutuk Operador 3

294
0
SHARE
Governu la kleur tan sei kontrola ema ne'ebe mak gosta uza ID Facebook falsu hodi koalia at ema. Tuir planu koperasaun ba kontrola ne'e sei servisu hamutuk ho operador telekomunikasaun 3 ne'ebe ejisti iha Timor-Leste. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Hare’e ba situasaun dadauk ne’e iha Timor – Leste ema barak mak utiliza ID falsu iha Facebook hodi estraga ema seluk nia naran, Governu liu husi Ministeriu Obras Publiku, Transporte no Telekomunikasaun (MOPTT) sei halo koperasaun ho operador telekomunikasaun 3 hodi kontrola utilizasaun facebook ne’e.

Governu la kleur tan sei kontrola ema ne’ebe mak gosta uza ID Facebook falsu hodi koalia at ema. Tuir planu koperasaun ba kontrola ne’e sei servisu hamutuk ho operador telekomunikasaun 3 ne’ebe ejisti iha Timor-Leste. Photo: TTN/Hortencio Sanches

Vise Ministru OPTT Inaçio Morreira hatete, governu agora daudaun servisu makas hodi buka tuir ema hirak ne’ebe mak laiha etika hodi utiliza ID falsu iha Facebook hodi hatete a’at ema seluk.

“Maun alin sira ne’ebe mak agora daudaun sei uza hela ID falsu iha Facebook ne’e agora daudaun ami servisu hamutuk hela ho operador tolu ne’ebe mak agora eziste iha Timor-Leste hanesan, TT, Telkomcel no Telemor, ami halo hela kordenasaun ho sira para nune’e sira bele fan sim card hirak ne’e ema sira tenke rejista atu nune’e ita bele detekta lais ema sira uja ID falsu ne’e,” dehan Inacio Morreira ba Jornalista iha CCD, Dili, Segunda (22/05/2017).

Nia hatete, atu regula komunikasaun iha Timor – Leste ho diak presija rekursu Umanus tenke diak no iha lei atu regula atu nune’e bele prosesa komunikasaun iha nasaun ne’e.

“Komunikasaun ne’e tenke presiza regula duni ho rigour, ita agora daudaun ne’e buat tolu importante mak seidauk masimu hanesan, rekursu umanus, lejislasaun ou lei sira hodi regula ba media sosial sira no seluk mak infranstruturas,” dehan Inacio Morreira.

Nia hatutan, Timor – Leste server kona ba Facebook nian seidauk iha ne’e, duni susar tebes atu detekta ema hirak ne’ebe uja identidade falsu.

“Server Facebook ne’ebe mak agora daudaun Timor uja iha hela deit Singappura, iha hela deit Europa ne mak sei sai problema boot ba ita maibe governu sei buka meius onsa atu hadia buat hirak ne’e,” dehan Vise Ministro MOP.

Nia hatutan tan, fiar katak iha futuru governu seu esforsu makas hodi investe sasan hirak ne’e lolos atu labele mosu tan problema hirak hanesan ne’e iha Timor – Leste.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here