Home internasional EUA ho PNTL no TLPDP Sei Realiza Konferensia ba Investigadór

EUA ho PNTL no TLPDP Sei Realiza Konferensia ba Investigadór

95
0
SHARE
Illustrasaun thetimor-news.com

By: Fidelio RAMOS

THETIMOR-NEWS.com, Dili – Misaun Estadus Unidus Amerikanu (EUA) iha Timor-Leste sei organiza hamutuk Konferénsia ba Investigadór intituladu “Unifika Setór Justisa no Aplikasaun Lei iha Timor-Leste,” hamutuk ho PNTL no programa apoiu Australia nian hanaran Programa Dezenvolvimentu Polisia Timor-Leste (TLPDP) iha Otél Beach Garden, Pantai Kelapa, Dili. 

Photo: Google.com

Tuir komunikadu imprensa, ne’ebe redasaun simu hosi embaixada EUA esplika, objetivu husi Konferénsia loron tolu ne’e mak atu hasae utilizasaun PNTL nia Sistema Jestaun Insidente hodi hadi’ak efisiénsia investigasaun nian no akuzasaun liu husi ofisial ligasaun Ministériu Públiku nian no atu hametin liu tan komunikasaun entre prokuradór no investigadór sira hodi prosesa kasu krime sira ho susesu no tuir tempu ne’ebé determina.

Photo: google.com

Oradór balun mak sei ko’alia iha konferénsia ne’e inklui husi FBI. Xefe Ofisial Ligasaun Ministériu Públiku nian husi munisípiu sira, investigadór PNTL nian, prokuradór husi munisípiu sira no ajente sira iha setór justisa nian mak sei partisipa iha eventu ne’e.

Embaixadora EUA Karen Stanton planeadu atu partisipa iha serimónia abertura hamutuk ho Embaixadór Australia, Prokuradór Jerál no Komandante Jerál PNTL ne’ebé sei hala’o iha loron 25 fulan Maiu 2017, tuku 8 dadeer iha Otél Beach Garden, Pantai Kelapa, Dili.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here