Home internasional TL Fahe Esperiensia Saude na Familia ba Internasional

TL Fahe Esperiensia Saude na Familia ba Internasional

291
0
SHARE
PM Rui Maria de Araujo wainhira fahe esperensia kona ba programa Saude na Familia iha Konferensia Global Ajenda 2030 ODS nian iha G+7. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Timor-Leste iha Konferensia Global Objetivu Dezemvolvimentu Sustentabel (ODS) loron ikus, fahe esperensia kona ba programa Saude na Familia ne’ebe parte mos hosi ODS numeru 3 nian kona ba Saude Diak no Beinstar.

PM Rui Maria de Araujo wainhira fahe esperensia kona ba programa Saude na Familia iha Konferensia Global Ajenda 2030 ODS nian iha G+7. Photo: TTN/Hortencio Sanches

Esperensia Saude na Familia ne’e fahe hosi Primeiru Ministru, Rui Maria de Araujo ne’ebe programa ne’e benefisia duni ba povu Timor-Leste.

“Programa ida  ne’e, halao hodi lori  pesoal saude saude sira ba komunidade sira laos hein deit  iha fasilidade saude, maibe ida ne’e mos atu ajuda ita nia komunidade sira ne’ebe do’ok hosi fasilidade saude, pesoal saude sira bele to’o iha komunidade sira nia uma, bele halo atendimentu,” dehan PM Rui iha nia intervensaun, Tersa (23/05/2017), iha CCD, Dili.

 Xefe Governu ne’e salienta tan, lalaok programa ida ne’e bolu dispensarizasaun alende halo tratamentu, pesoal saude sira ba komunidade iha area rural  no mos foti dadus ema ida-idak no familia uma kain ida nian ba sira nia situasaun saude .

PM hatutan, programa Saude na Familia la fasil atu halo tamba dala barak pesoal saude sira halao knar iha area rural hetan difikuldade oin-oin.

“Implementasaun programa ida  ne’e bele hatete la fasil, tamba pesoal saude sira hasoru dezafius oi-oin liu liu kondisaun geografika ne’ebe hela iha area remota,” dehan PM Rui.

Benefisia ne’ebe povu Timor-Leste hetan liu hosi programa ne’e maka ezemplu, sira ne’ebe, durante iha sira nia moris la hasoru pesoal saude nune’e  liu husi  programa ida ne’e sira bele hetan atendimentu saude iha sira nia uma no balun bele hatene ona oinsa koidadu saude ba sira nia an inklui sira ne’ebe ho kondisaun difisiente iha mudansa ba sira nia moris.

Programa Saude na Familia ne’e foin halao iha 22 Jullu 2016 no to’o ohin loron atinji ona 84% familia ne’ebe hetan ona vizita hosi ekipa Saude na Familia.

Iha nia implementasaun, ekipa Saude na Familia kompostu hosi dotor ida, enfermeira ida no parteira ida.

Editóra: agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here