Home internasional Partisipasaun Ativu TL, Hetan Apresiasaun Hosi Internasional

Partisipasaun Ativu TL, Hetan Apresiasaun Hosi Internasional

84
0
SHARE
PM Rui Maria de Araujo wainhira lansa livru no video Saude na Familia iha Konferensia Global kona ba ajenda 2030 ODS nian. Photo: TTN/Hortencio Sanches

By: Fidelio RAMOS

THETIMORNEWS.com, DILI – Timor-Leste (TL) iha Konferensia Global Objetivu Dezemvolvimentu Sustentavel (ODS) hetan apreisaun makas hosi internasional iha nia partisipasaun ativu ba problema internasional.

Sekretariu Jeral G+7, Helder da Costa hateten, ho TL nian idade ne’ebe foin 15, maibe TL konsege ajuda ona rezolve problema nasaun seluk nian, inklui fo apoiu osan.

“Partisipante husi estranjeiru sira durante partisipa konferensia G7+ ne’ebe realiza husi governo Timor-Leste senti hakfodak no orgullu tan foin ukun an ba dala 15 konsege ajuda ona nasaun seluk.  Senti hakfodak tanba, Timor-Leste konsege ajuda nasaun seluk hodi jere kartaun eleitoral iha Guine-Bissau, Central Africa no São Tome Principe,” dehan Helder da Costa ba jornalista sira, iha CCD-Dili, Tersa (23/05/2017).

Nia dehan tan, “Partisipante hirak ne’e apresia los Timor-Leste nia kna’ar tan iha duni habilidade no kapasidade makas hodi hakat liu ba nasaun ida ba nasaun seluk.”

Liu hosi mensajem video, Sekretariu Jeral Organizasoens Nasoens Unidas (ONU), Antonio Guterres ne’ebe fo kongrotulasaun ba Timor-Leste ne’ebe organiza konferensia global ba ODS nian.

“Fiar katak konferensia global ne’e sei hetan rezultadu diak,” dehan Helder da Costa hodi hatutan mensajem sekretraiu jeral ONU nian ne’e.

Konferensia ne’e halao durante loron rua, hahu kedan iha 22 Maiu ne’ebe loke hosi Prezidenti Republika Francisco Guterres Lu-Olo, Primeiru-Ministru Rui Maria de Araujo, no Ministro Planeameentu Investimentu Estratejiku (MPIE) Xanana Gusmão.

Konferensia ne’e partisipa hosi ema estranjeiru nain 200 nivel altu nian hosi estadu G7+ no nasaun seluk ne’ebe afetadu hosi konflitu.

Editóra: Agida DOS SANTOS I COPYRIGHT @2017

LEAVE A REPLY

Please enter your comment!
Please enter your name here