Home internasional Konferensia G7+Tau Atensaun Liu ba Ajenda 2030 ODS Nian

Konferensia G7+Tau Atensaun Liu ba Ajenda 2030 ODS Nian

355
0
SHARE
Prezidenti Republika, Francisco Guterres Lu-Olo ho nia espoza hasai foto hamutuk ho PM Rui Maria de Araujo no partisipante hosi nasaun G7+ ne'ebe partisipa Konferensia Global kona ba ODS 2030. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Inisiator organizasaun internasional G+7, Timor-Leste sai tan uma nain ba inkontru organizasaun ne’e hodi realiza konferensia global nian  kona ba Ajenda 2030 Objetivu Dezemvolvimentu Sustentavel (ODS) nian.

PM Rui Maria de Araujo rona hela apresentasaun hosi orador internasional iha konferensia global ajenda 2030 ODS nain ne’ebe halao iha CCD, Dili, Segunda (22/05/2017). TTN/Hortencio Sanches

Konferensia ne’ebe halao iha Centro Convencoens de Dili (CCD) ne’e loke deretamente hosi Prezidenti Republika Francisco Guterres Lu-Olo, Segunda (22/05/2017).

Ho topiku sentral ba konferensia ne’e mak oinsa atu implementa ODS iha nasaun frajil no post konflitu ne’e, PR Lu-Olo espera iha rezultadu diak neebe sei hamosu iha konferensia ne’e, liliu kona ba dezemvolvimentu nasaun ida-idak nian no estabilidade no hadia dezemvolvimentu ne’ebe sustensavel.

“G7+  nasaun sira ne’ebe mak hanesan mos ho ita, sai husi konflitus no difikuldades barak mak halibur malu dala ida tan iha konferensia atu deskute kona ba planu dezenvolvimentu sustentavel ba 2030 nia para bele buka hadia povu sira hotu nia moris nasaun ida-idak iha G7+ nian,” dehan PR Lu- Olo ba Jornalista sira hafoin loke konferensia ne’e.

Konferensia loron rua ne’ebe tuir ajenda sei remata iha Kuarta (23/05/2017), alende partispa hosi membru G+7, hetan partisipasaun mos hosi reprezentante nasaun Sweden, Nova Zelandia, European Commission, Islamic Development Bank, UNDP, no reprezentante Sekretariu Jeral ONU, no embaixada rai liur sira ne’ebe iha nia reprezentante iha Timor – Leste.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here