Home nasional Xanana: Istoria Luta Timor-Leste Persiza Hakerek iha Livru

Xanana: Istoria Luta Timor-Leste Persiza Hakerek iha Livru

1193
0
SHARE
Kay Rala Xanana Gusmao, aman nasaun Timor-Leste. Photo: goole.com

By: Fidelio RAMOS

THETIMOR-NEWS.COM, Dili – Atu ema ida-idak labele “hateten” an katak nia luta nain, nia fundador nasaun, persiza ona atu iha ema hakerek livru kona ba istoria luta Timor-Leste nian durante prosesu hirak ne’e.

Eis Komandante FAILINTIL, Kay Rala Xanana Gusmao (uza boina verde) wainhira halo intervista ho jornalista estranjeiru iha ailaran wainhira diriji gerilla hasoru kolonial Indonesia. Photo: Google.com

Eis Komandan FALINTIL (Forsas Armadas Libertasaun Independensia Timor-Leste), Kay Rala Xanana Gusmao fo sai hanoin ne’e wainhira halo deskursu ba Inagurasaun Estatua Proklamador Independensia, Francisco Xavier do Amaral, Sabadu (20

Proklamador Francisco Xavier do Amaral (klaran uza sapeu no oklu) wainhira hamutuk ho luta nain sira proklama independensia Timor-Leste ba mundu. Photo: goole.com

/05/2017), iha Rotunda CCD, Caicoli, Dili.

“Prosesu libertasaun povu nian iha nia hun no’o to’o rohan. Istoria sira ne’e tenki tau los. Bele hakerek hodi hatutan. Maibe, tenki ema ne’ebe professional no neutru mak hakerek, ne’ebe persiza hakerek istoria ne’e,” dehan Xanana.

Istoria persiza tau los iha nia fatin, atu jerasaun tuir mai ne’e bele hatene Timor-Leste nian prosesu libertasaun ba ukun rasik an.

“Ita persiza hakerek kedan, husi kedan uluk no hahu revulusaun. Tamba wainhira konta istoria, orsida dehan ami gava an, prosesu libertasaun povu nian iha nia hun no rohan,” dehan Xanana.

Membru Governu dahuluk Timor-Leste iha tempu 1975. Entre sira ne’e, iha fotografia laran sei moris Mri Alkatiri, Jose Ramos Horta no Rogerio Lobato. Photo: google.com

Eis Prezidenti Republika (2002-2007) ne’e mos informa, maski Timor-Leste iha ona Muzeu Resistensia, maibe faktus balun mak sedauk tau iha ne’eba.

“Muzeu lembra faktu balun deit, la hot-hotu. Tamba ne’e tenki tau istoria ne’e lolos, se lae balun dehan hau mak terus, hau mak funu nain,” dehan Xanana.

Hodi hatutan, Xanana esplika, hanesan jerasaun tuan iha tempu uluk buka halibur malu hodi Timor Leste sai ukun-an,  tan ne’e nia  husu ba maluk Timoroan  jerasaun foun hotu atu buka malu nafatin  hodi halibur hamutuk  ho esforsu  ida deit hodi dezenvolve rai ne’e.

“Ami hatene imi jerasaun foun matenek liu ami, maibe imi buka atu halakon interese individualizmu no ego, halibur hamutuk, hanoin ida deit atu dezemvolve, hadia nasaun ne’e” dehan Xanana.

Mari Alkatiri, eis ministru iha Governu 1975 no eis Primeiru Ministru I Governu KOnstitusional (2002-2006). Photo: google.com

Nune’e mos Prezidenti interinu Partidu FRETILIN, Mari Alkatiri hateten, “Ami besi tua sira ne’e komesa besik ba hotu ona. Hourseik ida foin ba uluk ona. Tempu agora ami nia memoria sei diak, husu istoriador sira, atu hakerek istoria loloos konaba luta ba independensia iha Timor Leste. Ita tenki halibur memoria tomak, halibur espesialista, atu hakerek ita-nia istoria,” dehan Marii Alkatiri.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here