Home internasional Lu – Olo: Sei Kaer Metin Liberdade no Demokrasia

Lu – Olo: Sei Kaer Metin Liberdade no Demokrasia

240
0
SHARE
Francisco Guterres "Lu-Olo" ne'ebe eleitu ba Prezidenti Republika 2017-2022 iha eleisaun prezidensial 20Marsu liu ba, iha 00:00, Sabadu (20/05/2017), offisialmente asumi kargu xefi estadu hafoin halo juramentu ba nia kargu. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Hafoin halo juramentu no offisialmente asumi kargu Prezidenti Republika (PR)  ba perodu 2017-2022, Francisco Guterres “Lu-Olo” promote sei kaer metin liberdade no demokrasia iha Timor-Leste.

“Hau eleitu nudar Prezidente da Republika sei kaer Metin prinsipiu liberdade no Demokrasia buras iha Timor – Leste,” dehan PR Lu-Olo iha nia deskursu dahuluk nudar PR, Sabadu (20/05/2017), iha Tasi Tolu, Dili.

Xefi estadu ne’e hateten, sei asegura nafatin iha povu Timor hotu nia hanoin no neon no husu Povu Timor hotu tenke tuba rai metin tan povi mak kaer liberdade no demokrasia atu lao loron ba loron.

“Ita povu Timor mak tuba rai metin, ita duni mak kaer demokrasia hodi lori ba beibeik atu liberdade no pas lao hamutuk hodi haburas iha sosiedade nia let,” dehan Lu – Olo.

Nia hatutan, kaer metin nafatin misaun katak povu Timor Leste tenke hetan liberdade no pas iha Timor – Leste.

Tuir nia kultura ne’ebe diak no nakloke mak liberdade Independesia iha povu tomak nia moris loro – loron.

“Hanoin Kultura ida ne’ebe nakloke mak liberdade moris iha independente laos signifika katak ema seluk mak halo fodik ba ita,  maibe ita rasik mak kria liberdade ne’e iha ita ida-idak nia sosiedade,” dehan PR Lu – Olo.

Hanesan Prezidente ba nasaun doben Timor – Leste Lu – Olo sei hakas an bei-beik hodi reprezenta Timor Leste nia dignidade diak ba rai liur no iha rai laran.

“Iha biban ne’e mos, hau husu  agradese ba povu Timor tomak neebe mak fo kontribui ona hodi hametin  ita nia estadu ida ne’e,” dehan xefi estadu ne’e.

Iha nia politika externa, xefi estadu ne’e sei kontinua luta hodi hetan rekonesementu ne’ebe justu hosi internasional ba problema maritime ne’ebe disputa ho Australia, inklui ba problema fronteira terreste ne’ebe sedauk rezolvidu ho Indonesia.

“Ba rai rua ne’e (Australia no Indonesia, red), hau sei esforsu hodi hetan solusaun ne’ebe justu ba Timor-Leste tuir prinsipiu no deretu internasional nian,” dehan PR Lu-Olo.

Iha koperasaun no relasaun bilateral nia mos sei kontinua hametin relasaun ho organizasaun internasional sira ne’ebe Timor-Leste partisipisa hanesan CPLP, inklui sei esforsu hodi lori Timor-Leste adere ba ASEAN.

Nune’e mos ho orgaun soberanu Timr-Leste nian, nia sei kopera hodi servisu hamutuk tuir prinsipiu Konstitusional nian ba papel orgaun soberanu ida-idak ninian.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here