Home internasional Lu-Olo Offisialmente Asumi Kargu PR

Lu-Olo Offisialmente Asumi Kargu PR

584
0
SHARE
Francisco Guterres "Lu-Olo" ne'ebe eleitu ba Prezidenti Republika 2017-2022 iha eleisaun prezidensial 20Marsu liu ba, iha 00:00, Sabadu (20/05/2017), offisialmente asumi kargu xefi estadu hafoin halo juramentu ba nia kargu. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Prezidente eleitu Francisco Guterres “Lu – Olo” iha oras 00:00 oras Timor-Leste, Sabadu (20/05/2017) offisialmente asumi kargu Prezidenti Republika (PR) ba period 2017-2022.

Fernanda Lay, sekretariu meja PN wainhira anunsia rezultadu final eleisaun prezidensial ne’ebe eleita Francisco Guterres “Lu-Olo” hodi troka Taur matan Ruak ne’ebe hakotu nia mandatu iha tuku 23:59 OTL, Sexta (19/05/2017). Photo: TTN/Hortencio Sanches

Lu-Olo asumi PR hodi troka Taur Matan Ruak ne’ebe nia mandate hotu ona iha oras 23:59 OTL. Seremonia posse ba PR foun ne’e halao iha Lagoa Tasi Tolu, Kapital Dili liu hosi juramentu ne’ebe Lu-Olo halo iha sesaun plenaria Parlamentu Nasional ne’ebe lidera hosi Prezidenti Parlamentu Nasional, Aderito Hugo.

“Susesu ba prezidenti republika foun,” hateten Aderito Hugo iha nia deskursu.

Hafoin halo juramentu, seremonia kontinua ho kanta hino nasional Patria, Patria ho tiru kainaun dala 21 ne’ebe lansa hosi Forsas Armadas F-FDTL.

Hamutuk ho Lu-Olo desde hetan nia restaurasaun independensia tinan 2002, Timor-Leste iha ona Prezidenti Republika nain 4, hahu 2002-2007 asumi hosi Kay Rala Xanana Gusmao.

Iha tempu 1975, wainhira Timor-Leste proklama unilateralmente nia independensia, sai prezidenti republika dahuluk mak Francisco Xaiver do Amaral, depois kontinua hosi Nicolau Lobato.

Hola prezensa ba seremonia posse Lu-Olo nian alende membru governu no eis membru titular sira, iha mos reprezentante konvidadu hosi rai liur.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here