Home internasional Timor-Leste Organiza Konferensia Global ba Ajenda 2030  

Timor-Leste Organiza Konferensia Global ba Ajenda 2030  

107
0
SHARE
PM Rui wainhira halo konferensia imprensa hodi koalia konferensia global kona ba ajenda 2030 ne'ebe sei realiza iha CCD, loron rua (22-23 Maiu 2017). Photo: TTN/Fidelio Ramos

By: Fidelio RAMOS

THETIMORNEWS.com, DILI- Delegadu lokal no internasional sira sei partisipa iha konferensia global ida ne’ebe realiza husi governo Timor Leste  sei foka liu ba iha tema ajenda tinan 2030 Nasoins Unidas (UN) nian iha Dili, durante loron rua 22 no 23 Maiu 2017.

Eventu ida ne’e foin organiza ba dahuluk iha TL iha parseria ho membru internasional sira husi grupu informal nivel as nian ho objektivu dezenvolvimentu sustetavel iha pilais frajil sira no estadu ne’ebe ajetadu ho konflitu.

“TL rekunese nia an hanesan pais pos-konflitu no la’o dadaun ba dezenvolvimentu sustentavel no kontribui ba komprimisiu global implementasaun ajenda tinan 2030 nian, ne’ebe sei garante futuru ida ho di’ak laos ba Timoroan, maibe ba mundo tomak,” dehan Primeiru Ministru Maria de Araujo iha konferensia imprensa, Sexta (19/05/2017), iha Palacio do Governo, Dili.

Iha fatin hanesan Sekretariu Jeral G7+, Helder da Costa esplika objektivu husi konferensia global  ne’e atu follow up objektivu dezenvolvimentu sustentavel iha mundu tomak ne’ebe lansa ona iha  Nasoins Unidas (UN) iha Setembru 2015.

“Iha 22 Maiu, reprezentante sira husi governu Suésia no Serra Leoa husi nivel aas nian, funsionario UN nivel aas nian, no reprezentante husi mundu akdemiku sira, husi sosiedade sivil no setor privadi sei hamutuk ho diriji Timoroan sira iha konferensia global ne’e,” hateten Helder da Costa.

Iha konferensia global ne’e, nai ulun Timor-Leste sira hanesan Prezidenti Republika foun, Francisco Guterres Lu-olo, PM Rui Maria de Araujo, Ministru Planeamentu Investimentu  Estratejiku, Xanana Gusmão, no antigu PR José Ramos Horta sei hola parte iha debate kona ba pas nu’udar dalan ida ba dezenvolvimentu sustentavel, no parseria ne’ebe fo efeitu efikasia ba ajenda 2030.

Iha 23 Maiu, dader konferensia ne’e preve liu ba sorumotu teknika ida, ne’e sei halibur funsionariu aas sira husi nasaun sira g7+ nian no sira seluk, atu diskuti meta no lisaun sira kona ba pasajen pratika husi Objektivu Dezevolvimentu Sustentavel ne’ebe aprende ona to’o ohin loron.

Alende ne’e iha ona programa kona ba paralelu rua ba konferensia ne’e. Ba dahuluk, kona ba diversifikasaun ekonomika iha era periodu Objektivu Dezenvolvimentu Sustentavel nian  hala’o iha dader 21 Maiu nian sei konta ho lansamentu dahuluk ba matadalan investimentu nian iha kargu trade lnvest TL nian.

Sei hala’o mos espozisaun ida ne’ebe sei koalia liu ba iha biban investimentu iha TL no atividade sira setor privade nian. Diversifikasaun prioridade liu maka prioridade politika ida husi governo konstituisional VI.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here