Home internasional Tasi Tolu Sai Hikas Fatin Juramentu Prezidenti Republika Foun

Tasi Tolu Sai Hikas Fatin Juramentu Prezidenti Republika Foun

381
0
SHARE
Tasi Tolu, Dili ne'ebe sai fatin istoria ba istoria importante independensia Timor-Leste, ne'ebe fatin ne'e sai hikas sasin ba seremonia posse prezidenti republika Timor-Leste. Photo: Google.com

By: Hortencio SANCHES

THETIMOR-NEWS.com, DILI – Tasi Tolu iha nia istoria fatin ne’e laos deit sai fatin turizmu nian iha capital Dili, maibe sai mos fatin ba sasin importante istoria Timor-Leste nian iha tempu resistensia no independensia.

Membru Parlamentu Nasional prepara hela sesaun plenaria hodi fo posse ba Prezidenti Republika eleitu Francisco Guterres “Lu-Olo” hodi troka Taur Matan Ruak ne’ebe nia mandatu sei hotu iha tuku 23:59 OTL. Photo: TTN/Hortencio Sanches

Sexta (19/05/2017), Tasi Tolu dadauk ne’e nakonu hikas ho ema importante, laos deit nai ulun Timor-Leste sira maibe hosi nasaun seluk mos hola parte iha fatin ne’e hodi sai sasin mos ba posse prezidenti republika foun Francisco Guterres “Lu-Olo” no nia juramentu ne’ebe hela minute hirak nia laran sei asumi kargu xefi estadu hodi troka Taur Matan Ruak ne’ebe sei husik nia mandate ne’e desde tinan 2012.

Eis membru governu no konvidadu VIP ne’ebe hola parte mos iha sasin seremonia posse Prezidenti Republika eleitu Francisco Guterres “Lu-Olo” hodi troka Taur Matan Ruak ne’ebe nia mandatu sei hotu iha tuku 23:59 OTL. Photo: TTN/Hortencio Sanches

Uluk iha fatin ne’e mos Taur Matan Ruak simu posse nudar prezidenti republika hodi troka Jose Ramos Horta ne’ebe asumi kargu prezidenti republika peridou 2007-2012. Inklui Kay Rala Xanana Gusmao ne’ebe asumi kargu prezidenti republika iha periodu 2002-2007.

Hamutuk ho Lu-Olo desde hetan nia restaurasaun independensia tinan 2002, Timor-Leste iha ona Prezidenti Republika nain 4, hahu 2002-2007 asumi hosi Kay Rala Xanana Gusmao.

Iha tempu 1975, wainhira Timor-Leste proklama unilateralmente nia independensia, sai prezidenti republika dahuluk mak Francisco Xaiver do Amaral, depois kontinua hosi Nicolau Lobato.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here