Home Uncategorized MarVi Simu Kareta Folin US$ 19,000 Hosi SEJD

MarVi Simu Kareta Folin US$ 19,000 Hosi SEJD

11960
1
SHARE
Sekretariu Estadu Joventud eno Desportu, Leovigildo Hornai hatudu xavi simboliku hodi entrega Kareta marka Toyota Rush ne'ebe governu fo ba artista Dangdut TL, Maria Vitoria (MarVi). Photo: TTN/Hortencio Sanches.

THETIMOR-NEWS.com, DILI – Artista dangdut Timor-Leste, Maria Vitoria (MarVi) ne’ebe naran bo’ot wainhira kompete iha festival Dangdut Academica Asia (DAA), hetan apresiasaun bo’ot hosi governu hodi fo premiu ba nia kareta ida ho marka Toyota Rush koor mutin.

Maria Vitoria alias MarVi. Photo: TTN/Hortencio Sanches

Kareta ne’ebe SEJD hola hosi osan estadu nian ne’e ho folin US$ 19,000 ne’e MarVi simu ne’e entrega deretamente hosi Sekretariu Estadu Joventude no Desportu (SEJD), Leovigildo Hornai liu hosi konsertu agradesementu ne’ebe halao iha Komplexu edufisu SEJD, Kinta (18/05/2017).

Alende

Maria Vitoria alias MarVi ne’ebe kanta hafoin simu kareta. Photo: TTN/Hortencio Sanches

entrega karet aba MarVi, SEJD mos fahe premiu ba artista dangdut nain 4 seluk ne’ebe mos kompete iha DAA, hanesan Gerson Oliveira, Dora Bria, Lola Cancio, Jerico no Marco. Sura nain hirak ne’e hetan premiu mini band ou setengah band. Premiu hanesan mos SEJD fo ba Tasya, Nunes, no Alda ne’ebe lori Timor-Leste nia naran morin iha festibal Bintang Radio dan Televisi Indonesia nivel ASEAN.

Iha fatin hanesan reprezentante familia husi Marvi amu Tiago hatete, nia la hatene los kareta ne’ebe mak governu ofrese ba Marvi ne’e permanente ona ka la permanente tanba iha lolon marka ho simbulu kareta estadu.

“Nudar familia sente kontente ho prezente ne’ebe maka governu ofrese ba Marvi maibe hau la hatene kareta ne’e Marvi uja permanente ona ka ou lae esradu sei simu fali tanba iha kareta nia lolon maka ho kareta estadu,” dehan amu Tiago hanesan Tiun husi MarVi ba jornalista.

Amu Tiago, tiun hosi MarVi ne’ebe entrega ona xavi kareta ne’ebe nia familia simu hosi governu ho marka Toyota Rush ne’ebe governu fo ba artista Dangdut TL, Maria Vitoria (MarVi). Photo: TTN/Hortencio Sanches.

Iha sorin seluk SEJD Leovigildo Hornay hatete esriker iha kareta ne’ebe mak  fo ba MarVi marka kareta estadu hanesan Simbulu deit katak kareta ne’e ofrese ho osan esradu nian husi SEJD.

“Stiker ne’ebe mak iha kareta nia lolon hanesan simbulu deit, stiker nia la metin ida se MarVi hakarak hasai bele hasai ida ne’e ami tau tanba kareta ne sosa ho osan estadu nian, maibe simbulu deit atu ema bele hatene governu mak ofrese ba MarVi,” dehan Leovigildo.

Nia hatete mos katak kareta ne’ebe mak ofrese ba Marvi atu bele motiva no sai ezemplu ba artista hotu labele iha fatin deit maibe koko no esforsu an atu sai artista ne’ebe mak diak.

Editóra: Agida DOS SANTOS I COPYRIGHT@2017

1 COMMENT

LEAVE A REPLY

Please enter your comment!
Please enter your name here