Home internasional Timor-Leste Ezemplu Diak ba Demokrasia iha Azia

Timor-Leste Ezemplu Diak ba Demokrasia iha Azia

395
0
SHARE
Patrick Murphy hanesan, Vise Adjuntu Sekretariu Gabinete ba Sudeste Aziatiku ne'ebe reprezenta Prezidenti EUA, Donald Trump hodi partisipa seremonia tomada posse Prezidenti Republiak eleitu TL, Francisco Guterres "Lu-Olo" hasai foto hamutuk ho jornalista Timoroan, Kuarta (17/05/2017). Photo: Dok Embaixada EUA

By: Hortencio SANCHES 

THETIMOR-NEWS.com, DILI – Progressu demokrasia ne’ebe hatudu hosi Timor-Leste durante nia konstrusaun estadu, hatudu katak Timor-Leste sai duni ezemplu diak ba demokrasia iha Azia.

Patrick Murphy, Deputy Assistant Secretary of State for Southeast Asia.

Eleisaun Prezidensial ne’ebe foin lalais laos susesu, laiha problema seguransa nudar susesu bo’ot ba Timor-Leste iha ninian prosesu demokrasia.

Vise Sekretariu Adjuntu Gabinete ba asuntu Azia Leste no Pasifiku, W. Patrick Murphy hatete, maski konsidera demokrasia iha Timor-Leste sei nurak (young democracy), maibe Timor-Leste konsege hatudu ba mundu internasional katak prosesu demokrasia iha rai ne’e lao tuir duni nia dalan.

“Ami hare’e Timor – Leste nia demokrasia diak tebes, tanba ami observa husi Eleisaun Prezidente nian foin mak liu, lao ho diak tebes, iha eleisaun ne’e la apoiu seguransa husi Internasional, maibe ita boot sira lao ho diak tebes, eleisaun ne’e lao ho susesu,” dehan W. Patrick Murphy bainhira halao inkontru ho Jornalista sira iha Embaixada EUA nian, iha Praia dos Coceiros, Dili, Kuarta (17/05/2017).

Nia hatutan ho demokrasia ne’ebe mak Timor – Leste iha, fiar katak iha elisaun Parlamentar sei lao diak liu tan.

“Estadu Unidos Amerika sei ajuda nafatin Timor-Leste iha programa saida deit,” dehan Patrick Murphy ne’ebe vizita Timor-Leste hodi reprezenta Prezidenti EUA, Dinald Trump ne’ebe hili nia ba partisipa seremonia posse Prezidenti Republika eleitu Timor-Leste, Francisco Guterres “Lu-Olo” no komemorasaun tinan 15 loron restaurasaun independensia Timor-Leste.

Durante iha Timor-Leste, nia hamutuk ho Embaixadora EUA ba Timor-Leste, Karen Stanton sei hasoru malu ho governante Timor-Leste, sosiedade sivil no media sira hodi rona kona ba koperasaun ne’ebe durante ne’e lao entre nasaun rua ne’e (EUA ho Timor-Leste, red).

Patrick Murphy hanesan, Vise Adjuntu Sekretariu Gabinete ba asuntu Azia Leste no Pasifiku hauhu husi Abril 2016 to agora.

Patrick Murphy Nudear Vise serkretariu adjuntu ba sudeste Aziatiku. Nia hanesan membru kareira husi Servisu Negosiu Estrangeiru Senior, nia servi antes nudar xefi Vise misaun no Chage d’affaries iha Thailandia (2013-2016) no iha Lesoto (2006-2008).

Murphy nia knar antes ba Washinton inklui hanesan Reprezentante espesial ba Burma, Diretor/Vise Diretor Gabinete ba Sudeste Aziatiku, Assesor Politika ba grupu traballu Ofisial responsabel ba Birmania no Laos, Desde tama departementu Estadu (MNE E.U.A nian) iha 1992, nia mos kompleta ona misaun Diplomatika sira iha Burma, Xina, Irak, Guine no Mali.

Murphy uluk mos hanesan voluntariu korpu Pas nian iha Kamerun, nia mos hetan Masteradu Arte (MA) husi Universidade Jhon Hopkins (SAIS), Mestradu Siensia (MS) husi Kolejiu National War (ho cum laude) no B.A (Baiserelatu Arte) husi Universidade Vermont, Nia mos estuda iha Universidade Institutu Europeia in Nice, Fransa.

Molok tama iha servisu Negosiu Estrangeiru, Murphy uluk mos hanesan ekonomista kona-ba rekursu ba Fundu Word Wildlife no Analista Politika id aba konsellu dezenvolvimentu iha rai liur, Murphy mos domina ba lingua sira estrangeiru hanesan, Franses, Espanol, Kantoneze no Birmanes.

Editora: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here