Home internasional EUA Apoiu Adeazaun Timor-Leste ba ASEAN

EUA Apoiu Adeazaun Timor-Leste ba ASEAN

227
0
SHARE
Editor Ezekutivu TATOLI (Ajensia Notisioza Timor-Leste) Gantry Meilana wainhira koalia ho Patrick Murphy (Vise Adjuntu Sekretariu Gabinete ba Sudeste Aziatiku) iha inkontru ho media sira sobre nia vizita mai Timor-Leste, Kuarta (17/05/2017). Photo DOK Embaixada EUA

By: Hortencio SANCHES

THETIMOR-NEWS.com, DILI – Komitmentu Timor-Leste hodi sai membru ba Organizasaun Nasaun Sudestiku Azia ou ASEAN (Asssociation South East Asian Nations), hetan apoiu hosi Estadu Unidos Amerika (EUA).

Iha inkontru ne’ebe halo ho jornalista Timor-Leste iha Embaixada EUA, W. Patrick Murphy hanesan, Vise Adjuntu Sekretariu Gabinete ba Sudeste Aziatiku hateten iha benefisiu barak wainhira Timor-Leste sai duni membru ASEAN

“EUA suporta Timor-Leste sai membru ASEAN, Timor-Leste tama diak liu tan,” dehan Patrick Murphy, Kuarta (17/05/2017).

Maski dezisaun Timor-Leste tama ASEAN desidi hosi membru nasaun ASEAN sira, EUA hare’e pozitivu tebes wainhira Timor-Leste hola part eiha organizasaun ASEAN nian tamba EUA mos iha koperasaun ho ASEAN ne’ebe tinan ne’e kompleta ona tinan 40.

Koperasaun EUA nian ne’e bele hare’e hosi komitmentu governu EUA iha setor hot-hotu, inklui EUA iha komitmentu bo’ot ba paz, seguransa no moris diak ASEAN nian, inklui rejiaun Azia tomak.

“EUA mos iha komitmentu ba koperasaun ho nasaun rejiaun ASEAN no Pasifiku. Izemplu ida mak foin lalais ne’e EUA nia vise prezidenti vizita nasaun ASEAN balun, hanesan Indonesia, vizita ministru defeza EUA nian, no ami nia prezidenti mos sei vizita Vietnam no Filipina,” dehan Patrick Muprhy.

Ba Timor-Leste, governu EUA mos kontinua nia komitmentu hodi haforsa no kontinua koperasaun bilateral no apoiu seluk iha setor oi-oin.

“Hau mai iha Timor-Leste ne’e hodi koalia mos ho governante sira, no hare’e progressu hosi apoiu ne’ebe durante EUA fo ba Timor-Leste.

Patrick Murphy to ona iha Timor – Leste tamba hetan fiar hosi Prezidenti EUA, Donald Trump hodi reprezenta ema numeru ida iha EUA ne’e partisipa seremonia posse prezidenti foun eleitu Timor-Leste, Francisco Guterres “Lu-Olo”, inklui komemora loron restaurasaun independensia Timor-Leste ba dala 15.

Patrick Murphy Nuder Vise Sekretariu Adjuntu ba Sudeste Aziatiku. Nia hanesan membru kareira husi Servisu Negosiu Estrangeiru Senior, nia servi antes nudar xefi Vise misaun no Chage d’affaries iha Thailandia (2013-2016) no iha Lesoto (2006-2008).

Murphy nia kanra antes ba Washinton inklui hanesan Reprezentante espesial ba Burma, Diretor/Vise Diretor Gabinete ba Sudeste Aziatiku, Assesor Politika ba grupu traballu Ofisial responsabel ba Birmania no Laos, Desde tama departementu Estadu (MNE E.U.A nian) iha 1992, nia mos kompleta ona misaun Diplomatika sira iha Burma, Xina, Irak, Guine no Mali.

Murphy uluk mos hanesan voluntariu korpu Pas nian iha Kamerun, nia mos hetan Masteradu Arte (MA) husi Universidade Jhon Hopkins (SAIS), Maestradu Siensia (MS) husi Kolejiu National War (ho cum laude) no B.A (Baiserelatu Arte) husi Universidade Vermont, Nia mos estuda iha Universidade Institutu Europeia in Nice, Fransa.

Molok tama iha servisu Negosiu Estrangeiru , Murphy uluk mos hanesan ekonomista kona-ba rekursu ba Fundu Word Wildlife no Analista Politika id aba konsellu dezenvolvimentu iha rai liur, Murphy mos domina ba lingua sira estrangeiru hanesan, Franses, Espanol, Kantoneze no Birmanes.

Editora: Agida DOS SANTOS I COPYRIGHT@2017

 

LEAVE A REPLY

Please enter your comment!
Please enter your name here